ယဉ်ကျေးမှုအစစ်အမှန်ဟာ လူ့အနှစ် အမြုတေရတနာဖြစ်ပါတယ်။ ပထ၀ီအနေအထား၊ လူနေမှု စနစ်၊ ဓလေ့ထုံးစံ ဆင်ယင်ထုံးဖွဲ့မှု၊ ပန်းချီ၊ ပန်းပု၊ ဘာသာအယူဝါဒ၊ အဆိုအတီးအက၊ စာအရေးအသား၊ အတွေး အခေါ် စသည့်တို့ကိုမှီ၍ ယဉ်ကျေးမှု သဘောတရားများ ဖြစ်ပေါ်လာ ပါတယ်။ မြန်မာနိုင်ငံဆိုရင်ပေါ့လေ။ ကိုယ့်နိုင်ငံကိုယ်ယဉ်ကျေးမှုနှင့် ထည်ထည်ဝါ၀ါ ရပ်တည်နေနိုင်တဲ့ နိုင်ငံတစ်နိုင်ငံဖြစ် ပါတယ်။ နှစ်လိုဖွယ်ကောင်းသော အမျိုးသားယဉ်ကျေးမှုတွေကို ပိုင်ဆိုင်ထားပြီး သာသနာ စည်ပင် ပြန့်ပွားနေတဲ့ နိုင်ငံ လည်း ဖြစ်ပါတယ်။ စင်စစ်အမျိုးသားယဉ်ကျေးမှုဆိုတဲ့နေရာမှာ အမျိုးသားစိတ်၊ အမျိုးသား သဘောတရား ကိန်းဝပ်နေသော ယဉ်ကျေးမှု ဖြစ်ပါတယ်။ ယခုအခါမှာ နိုင်ငံခြား ယဉ်ကျေးမှုများ ပျံ့နှံ့လာမှုကြောင့် မြန်မာအမျိုးသားယဉ်ကျေးမှုအတွက် အန္တရာယ်ရှိလာတာကို တွေ့ရှိရပါတယ်။ ကျွန်မ စဉ်းစားမိတာပေါ့လေ။ အမျိုးသားယဉ်ကျေးမှုသာ တကယ်လို့ နိမ့်ကျသွားခဲ့ရင် နိုင်ငံနှင့် လူမျိုးလည်း နိမ့်ကျသွားတော့မှာပဲပေါ့။ ဒီလိုတော့ မဖြစ်သင့်တာအမှန်ပါဘဲ။ ဒါကြောင့် ကိုယ့်အမျိုးသားယဉ်ကျေးမှုကို ခိုင်ခိုင်မာမာ ထိန်းသိမ်းဖို့အတွက် လူတိုင်းမှာ တာဝန်ရှိပါတယ်။ တာဝန်ဆိုတဲ့နေရာ မှာလည်း ပြောမှသိမှာထက် ကိုယ့်ရဲ့ အသိစိတ်ဓာတ်နဲ့ ကိုယ် သိဖို့ အရမ်းလိုအပ်ပါတယ်။ ဒါကြောင့် လူတိုင်း လူတိုင်း ကျွန်မနဲ့အတူ ယဉ်ကျေးမှုကြီးကို ထိန်းသိမ်းကြပါစို့လို့ ပြောချင်ပါတယ်။
(၁) ရှိပြီးသား အမျိုးသားယဉ်ကျေးမှုများကို ဆက်လက်ထိန်းသိမ်းရေး။
(၂) မတွေ့ရှိသေးသော ရှေးဟောင်းယဉ်ကျေးမှုများကို ရှာဖွေဖော်ထုတ်ရေး။
(၃) အသစ်အသစ်သော အမျိုးသားယဉ်ကျေးမှုများကို တီထွင်ရေးတဲ့။
အဲဒီမှာ ပြောစရာရှိတာက ယဉ်ကျေးမှုကို တီထွင်တဲ့နေရာမှာ အနောက်ယဉ်ကျေးမှုကို တီထွင်တာကို မဆိုလိုဘူးနော်။ ဒါဟာ တီထွင်တာ မဟုတ်ပါဘူး။ သရုပ်ပျက်ဝါဒကို ကျင့်သုံးနေကြတာလို့ ကျွန်မတော့ မြင်မိပါတယ်။ နောက်ပြီး ခေတ်ကာလအလျောက် အသစ်တီထွင်ဖန်တီးလာတဲ့ အမျိုးသား ယဉ်ကျေးမှုတွေကို ဖန်တီးဆန်းသစ်လို့ ရပါတယ်။ ဒါပေမဲ့ပေါ့လေ။ တောင်ရှည်ပုဆိုးဝတ်ပြီး ကုတ်အင်္ကျီနဲ့ ဘွတ်ဖိနပ်ကို တွဲဖက်ဝတ်တာကို ပြောတာ မဟုတ်ပါဘူး။ ကျွန်မက ကိုယ့်နိုင်ငံကို နိုင်ငံခြားသားများ သဘောကျသလို ကိုယ်ကိုယ်တိုင်လည်း မြတ်နိုးမိပါတယ်။ ဒါကြောင့် မြန်မာမှု မြန်မာဟန်ကို မပျောက်ပျက်အောင် ထိန်းသိမ်းထားချင်တာ ကျွန်မရဲ့ရင်ထဲက ဆန္ဒဖြစ်ပါတယ်။ ဒါကြောင့် ကျွန်မ တည်ဆောက်ထားတဲ့ ဘလောဂ့်အမည်ကိုလည်း ရွှေမြန်မာလို့ အမည်ပေးခဲ့ရခြင်း ဖြစ်ပါတော့တယ်ရှင်။
No comments:
Post a Comment