သင့်စာအုပ်တွေကော ဘယ်လိုမျိုးထားသလဲ

အရာအားလုံး မပိုင်ဆိုင်နိုင်ပေမယ့် ကျွန်မ ပိုင်ဆိုင်တာတစ်ခုကို ပြောပါဆိုရင်တော့ ကျွန်မ မြတ်နိုးတဲ့ စာအုပ်တွေပဲ ဖြစ်ပါတယ်။ ကျွန်မကို ဘာလိုအပ်နေလဲ မေးရင်လည်း လိုချင်တာကတော့ စာအုပ်တွေပါပဲလို့ ပြောမိမှာ အမှန်ဖြစ်ပါတယ်။ စာအုပ်တွေလေ။ ပြန့်လို့ ကျဲလို့။ ဖုန်တွေလည်းတက်။ ပင့်ကူမြှေးတွေလည်း ငြိလို့။ ဒါတောင် လျှောအိတ်နဲ့ ထည့်ထားတဲ့ စာအုပ်တွေက တစ်ပုံတစ်ပင်။ ခဏခဏ ဖတ်ဖြစ်တဲ့ စာအုပ်တွေကတော့ ခေါင်းအုံးနားနဲ့ စားပွဲခုံပေါ်မှာ လှန်တချို့ မှောက်တချို့။ အသစ်လက်ဆောင်ရထားတဲ့ စာအုပ်တွေကတော့ စားပွဲပေါ်တချို့၊ အိတ်ထဲက မထုတ်ရသေးတာ တချို့။ စာအုပ်စင်လေး တစ်ခုလုပ်မယ်လို့ စိတ်ကူးထားပေမယ့် ခုထိ အကောင်အထည် မဖော် နိုင်သေး။
    စာအုပ်ထူထူကြီးတွေဟာ ရေးရသူအဖို့ အတော်ဒုက္ခများခဲ့ပေလိမ့်မယ်။ အထူးသဖြင့် အဲဒီစာအုပ် အထူကြီးတွေဟာ အတော်ကို သပ်သပ်ရပ်ရပ် ရှိလှပါပေတယ်။ ဒါပေမယ့် သူတို့ကို အပျင်းပြေ အိပ်ရာထဲမှာ ပက်လက်လှန်ပြီး ဖတ်ဖို့ဆိုတာ အတော် မဖြစ်နိုင်တဲ့အရာပါပဲ။ ဒီတော့ စိတ်ဝင်စားပြီး အချိန်ပေးနိုင်မှသာ ဖတ်ဖြစ်ပါတယ်။ ဥပမာ မြန်မာဝတ္ထုတိုအညွှန်းလို စာအုပ်ကြီးလိုမျိုးတွေပေါ့။ ဘယ်စာအုပ်ဖြစ်ဖြစ် ဗဟုသုတတွေ ဒုနဲ့ဒေးဆိုတော့လည်း သူ့တို့ကို ကိုင်ဖြစ်တဲ့အချိန်ကလည်း ဗဟုသုလိုလားချိန်ဖြစ်လို့သာ နေတော့တယ်။ ကျွန်မကလည်း စာအုပ်စင် မလုပ်နိုင်သေးတော့ စားပွဲ အကြမ်းရိုက်ထားတဲ့ ၃ ဆင့် စားပွဲပေါ်မှာ သူ့နေရာနဲ့သူ နေရာယူနေတတ်တာကတော့ အသေ အချာပါ။ သူတို့ကို ဖတ်ဖြစ်သည် ဖြစ်စေ၊ မဖတ်ဖြစ်သည် ဖြစ်စေ အခါအားလျော်စွာ ဖုန်သုတ် ပေးရတတ်တာမျိုး၊ အဖုံးဘာညာ စုတ်ပြဲနေတဲ့အခါ ပြုပြင်ထိန်းသိမ်းပေးရတတ်တာမျိုးတွေဟာ သူတို့ရဲ့ အကျိုးပေးတစ်ခုပါပဲ။ တစ်ခါတလေ လိုချင်တဲ့အခါ ဖတ်ဖို့ စာအုပ်ပြန်ရှာရတာကလည်း အမြဲလိုလိုပင် ဖြစ်ပါတယ်။ ဒါကြောင့်  စာအုပ်ဈေးကြီးလာပြီးနောက်ပိုင်း သိပ်မ၀ယ်ဖြစ်တော့ တာလည်း ပါတယ်။ များသောအားဖြင့် လက်ဆောင်ရတဲ့ စာအုပ်တွေသာ များလို့နေပါတော့တယ်။ ကျွန်မကလည်း စာအုပ်သရဲဆိုတော့ ကံကောင်းချင်တော့လည်း ကျွန်မရဲ့ အကျင့်စရိုက်ကိုသိတဲ့ စာအုပ်လက်ဆောင်ပေးမယ့်သူတွေနဲ့ပဲ တွေ့ကြုံရတာ အလွန်တရာမှ တန်ဖိုးမဖြတ်နိုင်ပါဘူး။ တချို့စာအုပ်တွေကျတော့ နိဒါန်းကနေ နိဂုံးအထိ ပြည့်ပြည့်စုံစုံရှိနေနိုင်တဲ့ စာအုပ်မျိုးတွေ ဖြစ်လို့ နေတတ်ပါတယ်။ အဲဒီစာအုပ်တွေထဲမှာ မိခင်ဘာသာစကားနဲ့ မဟုတ်ဘဲ၊ ဒုတိယဘာသာစကားတစ်ခု ယေဘုယျအားဖြင့် အင်္ဂလိပ်လိုရေးထားတဲ့ စာအုပ်တွေလည်း အတော်အတန်ပါနေတတ်ပါတယ်။ သူတို့ဟာ ပိုင်ဆိုင်သူကို အတော်အတန် ဂုဏ်တက်စေတဲ့ အရာတွေလည်း ဖြစ်ပါတယ်။ သူ့နယ်ပယ်နဲ့ သူ အနှစ်သာရအားဖြင့်လည်းကောင်း၊ ပညာအရာအားဖြင့်လည်းကောင်း ရှိလှပေတယ်လို့လည်း ဆိုင်ရာတွေက ချီးကျူးပြောဆိုပြီးသား စာအုပ်တွေ ဖြစ်လို့နေတတ်ပါတယ်။ သို့သော်လည်း သူတို့ဟာ အခါအားလျော်စွာ မဖတ်ဖြစ်ဘဲ အထားခံရလေ့ရှိတဲ့ စာအုပ်များ ဖြစ်လို့နေပြန်ပါတယ်။ အများအားဖြင့်က လိုအပ်မှ ကိုင်တွယ်ဖတ်ရှုတာလေးတွေပဲ လုပ်ဖြစ်တာများပါတယ်။ ဒါကြောင့်လည်း ကျွန်မက အင်္ဂလိပ်စာ အားနည်းတဲ့အခြေအနေကို ရောက်ရှိနေတာများလားလို့လည်း တွေးနေမိပြန် ပါတယ်။ 

မိမိနဲ့ မသင့်လျော်သောအရပ်ကို အရောက်ဆုံးစာအုပ်တွေ စာရင်းမှာ သူတို့ဟာ အမြဲတမ်းထိပ်ဆုံးက နေရာယူထားတတ်ကြပါတယ်။ တတ်နိုင်သူတွေနဲ့ သပ်ရပ်စွာ ကိုင်တွယ်တတ်သူ တို့ဆီမှာ တောက်ပြောင်စွာ နေရာယူနေတတ်တာလည်း သူတို့ပါပဲ။ ဘယ်လိုပဲဖြစ်ဖြစ်လေ ဒီစာအုပ် ထူကြီးတွေဟာ ရှိမှဖြစ်မယ်ဆိုတာထက် ရှိရင်မဆိုးဘူးပေါ့လို့ ယူဆခံထားရတဲ့ စာအုပ်အမျိုးအစား စာရင်းမှာတော့ အသေအချာ နေရာယူထားပေတာပေါ့။ ဒါပေမယ့် တစ်ခါတစ်ခါတော့ ခံ့ညားခြင်း။ ခမ်းနားထည်ဝါခြင်းဆိုတဲ့ သူတို့ရဲ့ ဂုဏ်ပုဒ်တွေကနေ ဖတ်သူတွေကို တစ်ဖက်သတ် ဆွဲခေါ်သွားတာ မျိုးတွေဟာလည်း ဒီစာအုပ်တွေရဲ့ လက္ခဏာရပ်တွေထဲက တစ်ခုဖြစ်လို့ နေပြန်ပါတယ်။ စဉ်းစားခွင့် ဆိုတာထက် လိုက်နာရမယ့်ဆိုတဲ့ အနေအထားမျိုးပါ။ သူတို့ကို ဖတ်တဲ့သူတွေ သို့မဟုတ် သူတို့ကို ကိုင်တွယ်ကြည့်ရှုနေသူတွေဟာလည်း မြင်ရသူအဖို့ အဲဒီရဲ့ ဘက်တော်သားတွေ သို့မဟုတ် လိုက်နာဖို့ ကြိုးစားနေသူတွေလို့လည်း အထင်ခံရတတ်ပြန်ပါတယ်။ ဒီစာအုပ်အမျိုးအစားတွေဟာ နေရာတစ်ခုနဲ့အတူ သီးသီးသန့်သန့် ဖြစ်နေတတ်တာကတော့ သူတို့ရဲ့ ထူးခြားချက်တစ်ခုပါပဲ။
    စာအုပ်တင်တဲ့ စားပွဲရဲ့ အောက်ဆုံးအထပ်မှာတော့ ပြန့်ပြန့်ကျဲကျဲ ရှုပ်ရှုပ်ထွေးထွေး နေရာယူနေ တတ်ကြတာကတော့ ကျောင်းစာအုပ်တွေ အဖြစ်များတတ်ပါတယ်။ ကျောင်းနဲ့ဝေးတာကြာပြီ ဆိုပေမယ့် ထပ်တက်ခဲ့တဲ့ ဘွဲ့လွန်တန်းက စာအုပ်တွေကတော့ ခုထိ နေရာယူ မင်းမူနေဆဲပါပဲ။ ဒါပေမယ့် အကုန်တော့ မရှိတော့ပါဘူး။ များသောအားဖြင့် စာမေးပွဲ မဖြေခင်ထိသာ အရေးတယူ ပြုခြင်းခံရတဲ့ စာအုပ်အမျိုးအစားဆိုရင် မှန်နေပေလိမ့်မယ်။ သိပ်ပြီးတော့ ပြန်မကြည့်ဖြစ်ပေမယ့် လိုတဲ့အချိန် ပြန်မွှေနှောက်ဖို့ ရှိနေသင့်တယ် ထင်မိတာပါပဲ။ တချို့စာအုပ်တွေတော့ မရှိတော့ပဲ လက်ဆင့်ကမ်း ပြန်လည်ပေးလိုက်တာတွေလည်း ရှိပါသေးတယ်။ တချို့ကျတော့ ငွေကြေး မတတ်နိုင်တဲ့သူတွေ တချို့ကျတော့ စာအုပ်အသစ်ဖိုး သက်သာလိုပင်ဖြစ်စေ ကောင်းတဲ့ဘက် ကတော့ အလေးသာလို့နေပါတယ်။ နောက်ထပ်ရှိနေသေးတာကတော့ ၀ယ်တာပဲဖြစ်ဖြစ် အခမဲ့ရလို့ပဲ ဖြစ်ဖြစ် ဖတ်ဖြစ်တဲ့ ဂျာနယ်အဟောင်းတွေပဲ ဖြစ်ပါတယ်။ တချို့ဂျာနယ်တွေ၊ စာစောင်တွေကတော့ မိဘမဲ့ကျောင်းတွေ ပရဟိတလိုက်လုပ်ဖြစ်တဲ့အခါ ပြန်လည်ဝေငှပေးလိုက်တာတွေလည်း ရှိပါ သေးတယ်။

    အများအားဖြင့် စုမိတာတွေကတော့ စာအုပ်သေးသေးကလေးတွေဖြစ်ပြီး စားပွဲခုံပေါ်မှာ စုစည်းတင်ထားပြီး လက်လှမ်းမှီသလောက် အမြဲကောက်ယူဖတ်လေ့ ရှိတာတွေကတော့ ကဗျာ စာအုပ်လေးတွေပဲ ဖြစ်ပါတယ်။ ခဏခဏလည်း စာဖတ်သူရဲ့ ပြန်လည်ဖတ်ရှုခြင်းကို ခံရတတ် ပါတယ်။ ဥပမာ ဆရာဇော်ဂျီ၊  ဆရာကြီး မင်းသုဝဏ်ရဲ့ ကဗျာများ၊ ထီလာစစ်သူရဲ့ ကဗျာအမျိုးမျိုး၊ မောင်သွေးသစ်၊ ဆရာအောင်ဇင်မင်း စတဲ့ ရှေ့ခေတ်ကော ခုခေတ်ကော ကဗျာစာအုပ်အတော် များများပါပဲ။ တစ်ခါတလေ သူတို့က စာအုပ်ကြီးတွေကြားထဲ ညှပ်နေတတ်ပြန်ပါသေးတယ်။ ဖတ်တော့မယ်ဆိုလည်း ရှာရ ဖွေရ၊ တွေ့ပြန်တော့လည်း ခါရပြုရနဲ့လေ။ သူတို့ကတော့ လူတိုင်းနဲ့ ရင်းနှီးစွာ မရှိလွန်းတာမို့ ရှိမှဖြစ်မယ်ဆိုတဲ့ စာအုပ်အမျိုးအစား မဟုတ်ပေဘူးပေါ့။ ကျွန်မကတော့ စာအုပ်ဈေးပွဲတော်မှာ ဈေးသက်သက်သာသာနဲ့လည်းရမယ် ဖတ်ချင်လို့ ရှာဖွေဝယ်တဲ့အခါတိုင်းမှာ စာအုပ်ဆိုင်တိုင်းက စာအုပ်ကြီးတစ်အုပ်ဝယ်ရင် ပိုက်ဆံမယူပဲ အလကားထည့်ပေးလိုက်တာ များပါတယ်။ တစ်ခါတလေကျပြန်တော့ စာဖတ်လေးတဲ့ စာအုပ်မျိုးကို ရှောင်ပြီး ဖုန်တက်အောင် ထားမိတတ်ပါတယ်။ ဒုတိယထပ်မှာတော့ ၀တ္ထုစာအုပ်တွေ၊ ဆောင်းပါး၊ ကဗျာ စတဲ့အပြင် မဂ္ဂဇင်းစာအုပ်တွေ၊ ဂျာနယ်စာအုပ်ပုံစံချုပ်တွေကို စီတန်းထားရှိပါတယ်။ အပေါ်ဆုံးထပ်မှာတော့ အမြဲအသုံးပြုတဲ့ လက်လည်း လွယ်မယ်ထင်ရတဲ့ အင်္ဂလိပ် - မြန်မာ အဘိဓာန်စာအုပ်ထူကြီးကိုလည်း ဖုန်မတက်အောင် လက်ဆောင်ရထားတဲ့က ပလတ်စတစ်မချွတ်ပဲ တင်ထားဖြစ်တဲ့အပြင် တရား စာအုပ်များ၊ ဘာသာရေးစာအုပ်များ မြန်မာစာလုံးပေါင်းသတ်ပုံကျမ်းလို့မျိုးကိုလည်း လွယ်လင့်တကူ ဖတ်ရှုနိုင်ရန် စုစည်းထားပါသေးတယ်။ တချို့အဖတ်လေးတဲ့စာအုပ်တွေ မလိခရေးတဲ့ ပျို့အညွှန်း လိုမျိုး စာအုပ်တွေအပြင် ဖတ်ရတာ နှစ်ခေါက် သုံးခေါက် ဖတ်တာတောင် ရေးရေးပဲ နားလည်တဲ့ စာအုပ်တွေကိုတော့ အိတ်တွေထဲက မထုတ်ဖြစ်လို့ စာအုပ်တွေကတောင်  ဆန္ဒပြတဲ့အနေနဲ့ ပျော့ပြောင်းနူးညံ့မနေပဲ ဆွဲထုတ်လိုက်တဲ့အခါ မာတောက်တောက်ကြီးတွေနဲ့ စာရွက်သားတွေ ကပ်လို့နေပါတယ်။ ဒါတောင် သူများကို ငှားထားတဲ့ စာအုပ်တွေကလည်း အတော်ကလေး ရှိနေပါသေးတယ်။ မှတ်မှတ်ရရ ပြောရရင် ကျွန်မ နှစ်သက်တဲ့စာအုပ်တစ်အုပ်ဖြစ်တဲ့ ရန်အောင် မောင်မောင် ရေးသားတဲ့ ထောင်တစ်သက် အတွေ့အကြုံ စာအုပ်ဆိုရင် ရင်းနှီးတဲ့ ထောင်မှူး တစ်ယောက်က ၀ယ်မရလို့ ငှားဖတ်ပါဆိုလို့ ငှားဖတ်လိုက်တာ စာရွက်သား အတော်နွမ်းမှ လက်ထဲ ပြန်လည်ရောက်ရှိလာတာကိုလည်း ကြုံရပါသေးတယ်။ အဲဒီစာအုပ်ထဲမှ ရန်အောင်မောင်မောင်ရဲ့ ကိုယ်တွေ့တွေနဲ့ယှဉ်ပြီး ရေးသားထားတဲ့အတွက်လည်း စာဖတ်သူရဲ့စိတ်နှလုံးကို ဆွဲကိုင်လှုပ်သလို စာအုပ်ထဲ စီးမျောသွားခဲ့ရပါတယ်။ သူ့ရဲ့မှတ်ချက်လေးကိုလည်း ဝေမျှချင်ပါတယ်။ “ညစဉ်ညတိုင်း ကြားနေရတဲ့ အားလုံးကောင်းပါတယ်ခင်ဗျားဆိုတဲ့ စကားအတိုင်းပဲ။ ကောင်းပြီ၊ အကျဉ်းထောင် အခြေအနေ အားလုံးကောင်းတယ်ပဲ ထားလိုက်ပါတော့။ အဲဒီအကျဉ်းထောင်ထဲမှာ ရှိကြတဲ့ အကျဉ်းသားတွေကကော ဘယ်လောက်အထိ ကောင်းခဲ့ကြသလဲ၊ ကောင်းနေပြီလဲ၊ ကောင်းသွားကြ မှာလဲ။ တော်တော်အဖြေရကြပ်မည့် မေးခွန်းတွေပဲ ဖြစ်ပါတယ်။ ရာဇ၀တ္တဗေဒဆိုင်ရာ ပါရဂူတစ်ဦး ဖြစ်သူ ဒေါက်တာ ရှက်ပက်မက္ကာသီရဲ့အဆိုအရ ‘လူဆိုးတစ်ယောက်နှင့် လူကောင်း တစ်ယောက်ရဲ့ ကွာဟမှုအတိုင်းအတာသည် အကျဉ်းထောင်ကို ကာရံထားသော အုတ်နံရံတစ်ခု စာလောက်သာ ကွာခြားသည်’ ဟု ဖတ်ခဲ့မှတ်ခဲ့ရဖူးပါတယ်။ မှန်ပါတယ်။ ဘုရားရဟန္တာမှလွဲပြီး အာသဝေါ မကုန်ခန်းနိုင်သေးသည့် ပုပုရွရွ လူသတ္တ၀ါ မှန်သမျှ ကောင်းချင်သည့်အခါ ကောင်းပြီး ဆိုးချင်သည့် အခါ ဆိုးမည်။ မလိမ္မာ တစ်ခါမိုက်စမြဲဟုလည်း ဆိုထားပြန်ပါတယ်။ မွေးသည်မှ သေသည်အထိ ရာသက်ပန် ဆိုးသွမ်းသူ၊ ကောင်းမွန်သူရယ်လို့ ဒီသတ္တလောကကြီးမှာ မရှိစကောင်းလို့” သူက မှတ်ချက်ပြုထားတာကို ဖတ်ရှုခဲ့ရပါတယ်။ အများအားဖြင့် မဖတ်ဖြစ်တဲ့ စာရင်းမှာပါတဲ့ စာအုပ်တွေကတော့ ဘာသာပြန်စာအုပ်တွေ အတော်များလှပါတယ်။ အဲလိုဘာသာပြန်ထဲက နှစ်သက်မိတဲ့ စာအုပ်တွေလည်း ရှိပါသေးတယ်။ ဆရာ နတ်နွယ် ရေးသားတဲ့ မိုဗီဒစ်စာအုပ်ဆိုရင် ပင်လယ်ပြင်ရဲ့သဘောသဘာဝ၊ ပင်လယ်ရေ လုပ်သားတွေရဲ့ အခက်အခဲတွေ၊ ပျော်ရွှင်မှုတွေ အဖုံဖုံအပြင် ငါးဖြူကြီးနဲ့တွေ့ကြုံပုံတွေကို ရေးခြယ်ထားသည်မှာ ပင်လယ်ပြင်ကို အမှန်တကယ် ရောက်ရှိနေသကဲ့သို့ ခံစားမိပါသေးတယ်။ ဖတ်ခဲ့ဖူးတဲ့စာအုပ်တွေအကြောင်းသာ ပြောနေရရင် ထမင်းမေ့ ဟင်းမေ့ ကျွန်မရဲ့အဖြစ်ပါပဲ။ ပြောပြရရင်ဖြင့် ပြောလို့ ကုန်မည် မထင်ပါကြောင်း ပြောရင်းဖြင့် ကျွန်မဆန္ဒကတော့ စာအုပ်စင်လေးတစ်ခု ဖန်တီးချင်မိပြီး စာပေ ချစ်သူချင်းလည်း ပြန်လည်မျှဝေချင်နေမိပါတော့တယ်။

မနောဖြူလေး