Thursday, March 7, 2019

ျမန္မာအမ်ဳိးသမီးဆိုတာ အဘယ္နည္း




အင္း… ကြၽန္မ ခုေျပာမဲ့ အေၾကာင္းအရာကေတာ့ ျမန္မာမိန္းကေလးမ်ား ျမန္မာပီသျပီး ယဥ္္ေက်းမႈကို ထိန္းသိမ္းေစခ်င္တဲ့ ေစတနာတစ္ခု ကြၽန္မရဲ႕ စိတ္မွာ ကိန္းေအာင္းေနမိပါတယ္။ ကြၽန္မကေတာ့ ဗုဒၶဘာသာပီပီ ကံ၊ကံ၏အက်ဳိးတရားေၾကာင့္ မိန္းမျဖစ္လာရေပမဲ့ ျမန္မာမိန္းမေလးဘ၀ ျဖစ္လာရတာကို ၀မ္းမနည္းပါဘူး။
ဂုဏ္ေတာင္ယူမိပါေသးတယ္။ ဒီလိုပဲ ကိုယ့္ျမန္မာအမ်ဳိးသမီးေတြရဲ႕ဘ၀ကို အားက်ျပီး စိတ္၀င္စားတဲ့ အေနာက္နိုင္ငံအမ်ားစုလည္း ရွိပါတယ္။ ကမၻာမွာျမန္မာေဟ့လို႔ ေျပာလို႔ရေအာင္ ျမန္မာ့ယဥ္ေက်းမႈဟာတိုင္းတပါးေတြနဲ႔ မတူေအာင္ သိမ္ေမြ႕နဳးညံ႔လွပါတယ္။ ျမန္မာအမ်ဳိးသမီးေတြနဲ႔ သိမ္ေမြ႕လွတဲ့အျပဳအမူ၊ ၀တ္စားဆင္ယင္ပံုေတြဟာ ခုမွမဟုတ္ပါဘူး။
ဟိုးေရွးေခတ္ထဲကရွိခဲ့ပါတယ္။ကြၽန္မကိုခင္တဲ့သူေတြက ေမးၾကပါတယ္။ ျမန္မာျပည္ကိုခ်စ္တယ္ေနာ္တဲ့။ နို႔ ဘာလို႔ ေမးလိုက္ေတာ့ မဟုတ္ပါဘူးတဲ့။ နိုင္ငံျခားကို အထင္မၾကီးလို႔တဲ့။ကဲ စဥ္းစားသာၾကည္႔ေတာ့။ ကိုယ္ေျမကိုယ္ေရေလာက္ ဘယ္အရာမွမေကာင္းပါဘူး။
ခုေနာက္ပိုင္းမိန္းကေလးပဲျဖစ္ျဖစ္၊ေယာက္်ားေလးပဲျဖစ္ျဖစ္ နိုင္ငံျခားတိုင္းျပည္ေတြမွာ အလုပ္သြားလုပ္၊ ေက်ာင္းသြားတတ္ၾကတာေတြ ဒုနဲ႔ေဒးပါပဲ။ ခဏသြားတာဆိုေကာင္းေပမဲ့ အျပီးဆိုရင္ေတာ့ျဖစ္နိုင္ပါ့မလားလို႔ စဥ္းစားမိတယ္။ ကိုယ္ေနတဲ့၀န္းက်င္မွာေတာင္ မိန္းကေလးအမ်ားစုဟာ သရုပ္ပ်က္အေနာက္တိုင္းယဥ္ေက်းမႈေတြကို လႊမ္းမိုးခံေနၾကရျပီေလ။
တစ္ခါတေလလည္း ယိုသူမရွက္ ျမင္သူရွက္ဆိုသလို ေတြ႔ေတြ႔လာတာ ရင္ထဲမေကာင္းဘူး။ နိုင္ငံျခားသား/သူေတြက ျမန္မာ၀တ္စံုေတြကို ျမတ္နိုးစြာ၀တ္ဆင္ၾကတဲ့အခ်ိန္မွာ ျမန္မာကလူေတြက ဗရုတ္သုခအေနာက္တိုင္းဟန္ေတြနဲ႔ကိုယ့္ကိုယ္ကိုအထင္ၾကီးေနၾကတာဆိုရင္ အေတာ္မ်ားမ်ားေတြ႕ေနရတယ္။
ျမန္မာဆန္ဆန္၀တ္တဲ့သူေတြကိုေတာင္ နွာေခါင္းရႈံ႕ခ်င္ၾကေသးရဲ႕။ ျပန္စဥ္းစားၾကည္႔စမ္းပါ။ ျမန္မာေတြရဲ႕၀တ္စားဆင္ယင္ပံု၊ ရုိးရာဓေလ့ ေနာက္ျမန္မာမႈျမန္မာ့ဟန္နဲ႔လုပ္တဲ့ ရိုးရာပဲြေတာ္ေတြ ဘယ္ေလာက္က်က္သေရရွိသလဲ။ ခုဆို ျမန္မာအမ်ဳိးသမီးေတာ္ေတာ္မ်ားမ်ား ပိုက္ဆံရရင္ျပီးျပီးေရာ လုပ္ခ်င္ရာလုပ္ေနတာေတြဟာ ငါးခံုးမတစ္ေကာင္ေၾကာင့္ တစ္ေလွလံုးပုပ္သိုးသြားသလို ခံစားမိပါတယ္။ ခုေနာက္ပိုင္း ေတြ႕ရတာေတြက ေခတ္ေရွ႕ပဲ ေျပးေနတာလား။ ေခတ္ဆန္ေနတာလား။ ကိုယ္ကပဲ ေခတ္တံုးေနတာလားဆိုတာ မသိေတာ့ပါဘူး။
ကြၽန္မကေတာ့ လူသာဆင္းရဲရင္ဆင္းရဲမယ္။ စိတ္ဓါတ္ေတာ့ဘယ္ေတာ့မွ မဆင္းရဲေစရဘူး။ ေလာကမွာလူသာေသျပီး နာမည္မေသဖို႔အေရးၾကီးဆံုးပဲ။ လူတစ္ေယာက္ရဲ႕ကိုယ္က်င့္တရား၊ သိကၡာ၊ အက်င့္သီလ ဒါေတြဟာ ဘာနဲ႔မွလဲလို႔မရပါဘူး။ ကြၽန္မတို႔နိုင္ငံဟာ သူမ်ားနိုင္ငံနဲ႔ယွဥ္ရင္ အလြန္ေသးငယ္ပါတယ္။ ဒါေပမဲ့ ကမၻာတစ္လႊားမွာ ျမန္မာေဟ့လို႔ေၾကြးေၾကာ္ခ်င္ပါတယ္။
လူတိုင္းလူတိုင္းဟာ ကိုယ့္ယဥ္ေက်းမႈ၊ ကိုယ့္ရိုးရာကို ထိန္းသိမ္းၾကမယ္ဆိုရင္ ကြၽန္မ၀မ္းသာမိမွာပါ။ ျမန္မာ၀တ္စံုဟာ ျမင္သူတကာရဲ႕ရင္မွာ ေအးျမျခင္း၊ ၾကည္ႏူးျခင္း၊ လိႈက္လဲွေႏြးေထြးမႈကို ေပးစြမ္းေနတယ္လို႔ ကြၽန္မျမင္မိတယ္။ မေန႔ကေတာင္ နိုင္ငံျခားသူတစ္ဦးက ျမန္မာလို၀တ္ျပီး သူ႕ကေလးေတြကို ျမန္မာရုိးရာအ၀တ္အစား ၀တ္ေပးထားတာ ကြၽန္မျမင္မိေတာ့ ၀မ္းသာၾကည္ႏူးမႈကို ရင္ထဲျဖစ္ေပၚလာမိပါတယ္။
ကိုယ့္လူမ်ဳိးမဟုတ္တဲ့သူ ၀တ္တာေတာင္ ဒီလိုျဖစ္ေနရင္ ငါ့လူမ်ဳိးေတြသာ ဒီလို၀တ္ဆင္ေနၾကတာကို အျမဲျမင္ေတြ႕ရမယ္ဆိုရင္ ပိုေတာင္ေကာင္းမယ္လို႔လည္း ေတြးမိပါတယ္။ ေလာကမွာ ကိုယ္တစ္ေယာက္တည္း အသက္ရွည္ေနတာမွ မဟုတ္တာ မိဘ ဘိုးဘြားေမာင္ဘြားေတြနဲ႔ ႀကီးျပင္းေနၾကရတဲ့ ၀န္းက်င္မွာ ဒီေလာက္ သ႐ုပ္ပ်က္ေတြ မရွိသင့္ဘူးလို႔လည္း ေတြးမိပါတယ္။ ကြၽန္မစိတ္ထဲ ရွိတာေတြခ်ေရးရမယ္ဆိုရင္ ေရးလို႔ေတာင္မကုန္ပါဘူး။ ျမန္မာအမ်ဳိးသမီးမ်ား ယဥ္ေက်းသိမ္ေမြ႕ျပီး ျမန္မာမႈျမန္မာဟန္နဲ႔ က်က္သေရရွိတဲ့ဘ၀မ်ားကို ပိုင္ဆိုင္နိုင္ၾကပါေစလို႔ ကြၽန္မ ဆုေတာင္းေနမိပါေတာ့တယ္။…..

မေနာျဖဴေလး


Tuesday, March 5, 2019

ဆရာၾကီး သခင္ကိုယ္ေတာ္မႈိင္း၏ ရင္ခုန္သံ



ခုတစ္ေလာဖတ္ျဖစ္တဲ့စာအုပ္ေတြထဲကေန ျပန္လည္ေကာက္ႏုတ္တင္ျပလိုက္ရျခင္းျဖစ္ပါတယ္။ ကၽြန္မတစ္ခါတေလ ေရးစပ္တဲ့အရာေတြဟာ ကဗ်ာလား၊ စကားေျပလား ေနာက္ ကာရန္နေဘ၊
ေလးလံုးစပ္၊ ငါးလံုးစပ္လား၊ ေလးခ်ဳိး၊ ေဒြးခ်ဳိး၊ ေမာ္ဒန္ကဗ်ာလား စတဲ့ အေတြးေပါင္းမ်ားစြာနဲ႔ ဘယ္ထဲမွမပါရင္ ဘယ္လိုေခၚရမလဲဆိုတာ ေလ့လာသံုးသပ္ ဆန္းစစ္ရင္း ဆရာၾကီး သခင္ကိုယ္ေတာ္မႈိင္းရဲ႕ စာေတြကို သတိရမိပါတယ္။
ဆရာၾကီးသခင္ကိုယ္ေတာ္မႈိင္းဟာ ၁၃၀၀ ျပည့္ အေရးေတာ္ပံုၾကီး တာစူေနခ်ိန္၊ နယ္ခ်ဲ႕ပေယာဂေၾကာင့္ ကုလားဗမာအဓိကဂုဏ္းၾကီးျဖစ္ခဲ့တဲ့အခါမွ စိတ္မေအးႏိုင္လို႔ ေလးခ်ဳိးတစ္ပုဒ္ေရးခဲ့တာကို ေတြရွိရပါတယ္။
အဲဒါက ဘာလဲဆိုေတာ့

စိတ်ထွက်ပေါက်



တိုးတက်မှုမရှိဘဲ ချောင်ပိတ်မိနေတဲ့
အခြေအနေမျိုးကို ငါချည်းပဲ
ကြုံတွေ့နေရတာ မဟုတ်ကြောင်း သိထားစမ်းပါ….
စွန်တစ်ကောင်ဟာ လေဆန်ကို ပြန်ပြီး
အဆိုးဆုံး အခက်အခဲတွေ့ရင်
လေဆန်တောင် ပြန်သွားသေးတာဘဲ
ငါလည်းဘဲ သူလို နေနိုင်အောင် ကျင့်ရမယ်လေ….
လူဆိုတာ
ဒုက္ခကို ခံနိုင်တဲ့ သတ္တဝါတစ်မျိုးပါ
သူများတွေ ခံစားရတဲ့ ဒုက္ခတွေနဲ့ယှဉ်ပြီး
ငါ့ဒုက္ခတွေဟာ သာမညလို့ မပြောနိုင်ဘူး
ဒါပေမဲ့….
သူများက ဘဝကို တွယ်တာပြီး
ဒုက္ခအပေါင်းကို ကျော်လွှားသွားခဲ့ကြတယ်
ငါလည်း ကျော်လွှားနိုင်ရမယ်……………..
တစ်ခါတလေ စိတ်ထဲဖြစ်ပေါ်လာတာတွေကို ချရေးမိတာပါပဲ။
မနောဖြူလေး

လဝန်းရဲ့အရိပ်



လမင်းရယ်…
တကယ်တော့ ကိုယ်ဟာ
မင်းပျော်ပါးနေထိုင်ရာ
ထက်ကောင်းကင်ဝေယံမှာ
နေနိုင်သူလည်း မဟုတ်ခဲ့ပါ…
မင်းရဲ့အလင်း
လင်းသထက်လင်းအောင်
ဆောင်ကြဉ်းပေးနိုင်တဲ့
ညခင်းလည်း မဟုတ်ခဲ့ပါ…
မင်းရဲ့အနား
ဝန်းရံခစားနေတဲ့
တောက်ပတဲ့ အလင်းနှင့်
ကြယ်ကလေးများရဲ့ အဆင်းကိုလည်း
ယှဉ်နိုင်သူ မဟုတ်ခဲ့ပါ…
မဖြစ်နိုင်မှန်း သိရက်နှင့်
မင်းကိုမှ သံယောဇဉ်ဖြစ်မိတဲ့စိတ်ကိုလည်း
တားဆီးလို့ မရနိုင်တော့ပါ…
အဲဒီတော့ လမင်းရယ်
ဟိုတစ်ချိန်တစ်ချိန်ဆီက
မင်းဆီက ရဖူးတဲ့
အကြင်နာ အတုအယောင်တွေကိုပဲ
ပြန်လည် မြင်ယောင်ရင်း
တမ်းတစိတ်ကူး
အိပ်မက်မှာပဲ မျှော်လင့်ရင်း
ငါတစ်ယောက်ထဲ နေပါ့မယ်….
မနောဖြူလေး

ေ၀လည္းေမႊး ေၾကြလည္းေမႊး





မင္းရဲ႕ဘ၀ေလး
ပင္ယံျမင့္မွာ အဆင္သင့္လို႔
အစဥ္တင့္မယ္ဆိုရင္
ပင္ေျခေအာက္က ပန္းေကာက္သူ
တို႔ရင္မွာ ၾကည္ႏူးရင္းနဲ႔
အျမဲပန္ဆင္ေနသူပါ
ခုေတာ့….
ကံၾကမၼာ အေျခမလွလို႔
နာဂစ္ရဲ႕ ႐ို္က္ခ်က္ေၾကာင့္
လဲၿပိဳခဲ့ရတဲ့
ပင္ေျခေတာင္ မျမင္ရေတာ့တဲ့
ပန္းခေရေရ…
တို႔ဆံႏြယ္မွာ ပန္ဆင္ခြင့္ေတြ
စိတ္သုဥ္းခဲ့တာ ၾကာခဲ့ၿပီေလ
ခုေတာ့…
ဖြဖြေလးေကာက္
ရြရြေလးသီၿပီး
ပန္ဆင္ခဲ့ဖူးတဲ့
ပန္းေျခာက္ကေလးေတြကိုပဲ
ျမတ္ႏိုးစြာနဲ႔ သိမ္းဆည္းထားလ်က္
ပန္းခေရေတြ ႏြမ္းေၾကြေပမယ့္
သစၥာရွိစြာ သင္းပ်ံ႕ေနလ်က္ပါ
ပန္းေျခာက္ကေလးရယ္……

မေနာျဖဴေလး

Sunday, March 3, 2019

ေမ့မရႏိုင္ ၃ ႏွစ္တိုင္


လူ႔ေလာကသို႔ ေရာက္ရွိခဲ့စဥ္
ကေလးဘဝမွ ေႏြးေထြးခ်စ္ခင္
အပိုစကားမဆို အၿပံဳးခ်ိဳခ်ိဳၿဖင့္ႏႈတ္နည္းလြန္းတဲ႕ ေဖေဖ
အေၿပာဆို သိမ္ေမြ႕
ေမတၱာၿဖင့္ သိမ္းသြင္း လမ္းမွားေသြဖယ္
ေအးခ်မ္းစြာ ေျပာဆိုတတ္တဲ့ ေဖေဖ

ေၾကြတစ္လွည့္
ေဝတစ္လွည့္ ေလာကဓံၾကားမွာ
မနားတမ္း ရုန္းကန္ရင္း သူ႕ဘဝကိုခင္း နင္းေစခဲ႕သူ ... ေဖေဖ
က်ေနတဲ့ ေခြၽးစက္ေတြနဲ႔
ရုန္းကန္ခဲ့တဲ့ ေန႔ရက္မ်ားက

ေဖေဖ့ ရဲ႕ ေမတၱာေတြကို နိုင္းျပေနေပမယ့္
ေဖေဖ ဟာသားသမီးေတြကို ခ်စ္တယ္လို႔ထုတ္ မေျပာခဲ့ တာ အမွန္ပါ

သမီးေရ….
ေဖေဖ စိတ္ခ်တယ္သမီး
ေျမးေလးပဲ ဂရုစိုက္ပါသမီးရယ္လို႔ ရင္ထဲစကား ထုတ္ေျပာခဲ့သည့္ ေဖေဖ
မေၿပလည္မႈေတြ
အခက္ခဲေတြ
ရင္ဆိုင္ေၿဖရွင္း အိမ္ဦးနတ္ရဲ႕တန္ဖိုး
အမ်ိဳးမ်ိဳး ေၿပာရင္း
နင့္အေဖလုပ္စာ စားေနတာလို႔
ခုခ်ိန္ထိ ေမေမ ေျပာေနတုန္းပဲ ေဖေဖ…

သြားေလသူ ေဖေဖေရ...
ေအးခ်မ္းတဲ႕ ခရီးလမ္းမွာ..
အမွန္တစ္ကယ္ ၿငိမ္းခ်မ္းေနပါေစရယ္လို႕
မရွိမွန္းသိလွ်က္နဲ႕
ရွာေဖြေနမိဆဲ ေနသားမက်ေသးတဲ႕
သမီးတို႔မိသားစုရဲ႕ အားငယ္ေနတဲ႕ မ်က္ဝန္းေတြနဲ႕
ေဖေဖ့ပံုရိပ္ေတြထဲ ခုထိနိုးထဖို႕ ခြန္အားမရွိေသးဘူး ေဖေဖ...

ဘဝတစ္ခုလံုး
နွလံုးသားလွ ခဲ႕တဲ႕ေဖေဖ
အၿပံဳးတစ္ခုနဲ႕ ဘဝကို ထုဆစ္ခဲ႕တဲ႕ေဖေဖ
ေအးေအးခ်မ္းခ်မ္း ေနတတ္ခဲ့တဲ့ ေဖေဖ
သည္းခံၿခင္းကိုက်င့္ ေမတၱာတရားပြား သဒၵါတရားလည္းမရွားတဲ႕ ေဖေဖ့အတြက္
ၿငိမ္းခ်မ္းၿခင္းဆိုတဲ႕ တရား ထာဝရေဖေဖ့အတြက္ ၿဖစ္ပါေစ...
ယေန႕အထိ ေဖေဖ့ေအတြက္ရည္စူး ၿပဳၿပဳသမွ်ေသာ ေကာင္းမွဳကုသိုလ္ ေတြအတြက္ ေရာက္ရာ ဘဝကေန သာဓုေခၚပါ ေဖေဖ…..
ဘာလိုလိုနဲ႔ သမီးတို႔ကို ေဖေဖခဲြခြာသြားခဲ့တာ ၆ ရက္ မတ္လ ၂၀၁၉ ခုႏွစ္ဆိုရင္ သံုးႏွစ္ျပည့္ခဲ့ၿပီေဖေဖ....
မေနာျဖဴေလး
၄-၃-၂၀၁၉
၁ နာရီ ၅၅ မိနစ္