အချိန်တွေကို ဘယ်လို အသုံးချကြမလဲ

          ကျွန်မတို့ မြန်မာလူမျိုးအများစုသည် အမြဲတမ်း အချိန်တွေပိုနေကြသူများနှင့် အချိန် မလောက်ကြ သူများ ဖြစ်ကြပါသည်။ အများအားဖြင့် ဘာမှသာ မလုပ်ကြတာ အချိန်မရှိဘူး ပြောတတ်ကြလေသည်။ စာဖတ်သူရဲ့ဘ၀ကို ပိုမိုကောင်းမွန်အောင်ပြောင်းလဲဖို့ ကြိုးစားရာမှာ အရေးကြီးဆုံး စည်းမျဉ်းတစ်ခုကတော့ အချိန်ကို စီမံခန့်ခွဲတတ်ခြင်းပါပဲ။

လူတော်တော်များများဟာ အလုပ်အကိုင်တွေ၊ ပုဂ္ဂိုလ်ရေးကိစ္စတွေနဲ့ စိတ်ဖိစီးနေကြရပါသည်။ ဒီအခြေအနေထဲကနေ ဘယ်လိုထွက်ရမယ်ဆိုတာလည်း မသိကြဘူး။ သူတို့ပြောင်းလဲနိုင်တဲ့အရာ ဘာမှ မရှိကြဘူးလို့ အများအားဖြင့် ထင်နေကြလေသည်။ ဒါပေမယ့် အဓိက ပြဿနာဟာ အချိန် မလောက်ငှခြင်းကြောင့်လို့ စိတ်ပညာရှင်တွေက ဆိုထားပါသေးသည်။ တကယ်လို့ စာဖတ်သူကော အချိန်မလောက်တဲ့ထဲမှာ ပါဝင်နေပါသလား။ ဒါဆိုရင်တော့ အချိန်တွေ ကန့်သတ်ပြီး လုပ်ဆောင်ကြမယ် ဆိုရင်ဖြင့် ဘယ်လိုအချိန်တွေ ပိုထွက်လာနိုင်မလဲ စဉ်းစားဖူးပါသလား။ ဒါဆို တစ်ခါလောက် စဉ်းစားကြည့် ရအောင်။

ပထမဆုံးအနေဖြင့် စာဖတ်သူကိုယ်တိုင် ပြောင်းလဲချင်စိတ် ရှိရပါမယ်။ အပြောင်းအလဲတွေ လုပ်ဖို့ အကောင်းဆုံးနည်းလမ်းကတော့ စာဖတ်သူရဲ့အချိန်ကို ထိထိရောက်ရောက် စီမံခန့်ခွဲတတ်ခြင်းပါပဲ။ အချိန်စီမံခန့်ခွဲမှုဆိုတာကတော့ ဘယ်ကိစ္စတွေက အရေးကြီးတယ်၊ ဘယ်ကိစ္စတွေက အရေးမကြီးဘူး ဆိုတာကို ခွဲခြားတတ်တဲ့ စွမ်းရည်တစ်မျိုးပါပဲ။ ဆိုလိုတာကတော့ ဘယ်ကိစ္စတွေကို အရင်လုပ်ရမယ်၊ ဘယ်ဟာကိုတော့ နောက်မှ လုပ်ရမယ်ဆိုတာ ခွဲခြားတတ်ရမယ်ပေါ့။ ဒါပေမယ့် အချိန်စီမံခန့်ခွဲမှု (Time Management) ကို အသုံးမပြုခင်မှာ စာဖတ်သူ လုပ်ရမယ့် အရာတစ်ချို့ရှိပါသည်။ အဲဒါတွေ  စာဖတ်သူရဲ့ အားထုတ်မှုတွေဟာ အရာထင်မှာ မဟုတ်ပါဘူး။ ဒါကြောင့် စာဖတ်သူရဲ့အချိန်ကို ထိထိရောက်ရောက် စီမံခန့်ခွဲနိုင်မယ့် နည်းလမ်းများ သတ်မှတ်ကြည့်ကြမယ်။

အရင်ဆုံး စာရင်းများ ပြုလုပ်ထားရပါမည်။ ပြုလုပ်ဆောင်ရွက်မည့် အရေးကြီးသည်များကို ရေးသား မှတ်သားထားရပါမည်။ စာဖတ်သူ လုပ်စရာမှန်သမျှကို အစီအစဉ်ဆွဲထားပါ။ ပြီးတော့ အဲဒါတွေကို စာရွက်ပေါ်မှာ ချရေးပါ။ ကျွန်မကတော့ အပျင်းထူလို့ စိတ်နဲ့မှတ်သားထားတာတွေလည်း လုပ်လေ့ရှိပါသည်။ ခုနောက်ပိုင်း ကွန်ပျူတာအသုံးပြုသူများလာတော့ Word ဖိုင် ဒါမှမဟုတ် Notepad နဲ့လည်း ရေးမှတ်ထားနိုင်ပါသည်။

နောက်တစ်ချက်က အမြဲတမ်း စာဖတ်သူကိုယ်တိုင် ကိုယ့်ကိုယ်ကိုယ် အားပေးပါ။ စာဖတ်သူရဲ့ စာရင်းထဲက အလုပ်တစ်ခုကို လုပ်ပြီးတိုင်း အဲဒီအလုပ်အတွက် သင့်ကိုယ်သင် ဆုချီးမြှင့်ပါ။ လမ်းထွက် လျှောက်တာပဲဖြစ်ဖြစ်၊ ရုပ်ရှင်ကြည့်တာပဲဖြစ်ဖြစ် စာဖတ်သူ လုပ်ချင်တာတစ်ခုခုကို လုပ်လိုက်ပါ။ အလုပ်လုပ်ပြီးတိုင်း ခဏတာ အနားယူသင့်ပါသည်။ အမြဲတမ်းကြီးတော့ မဟုတ်ဘူးပေါ့။ နို့မို့ဆို အလုပ်တစ်ခုပြီးတိုင်း အပန်းဖြေနေတာနဲ့ အချိန်က ပိုမလောက်ပဲ ဖြစ်နေဦးမည်။ ကျွန်မတို့ရဲ့ဦးနှောက်အလုပ် လုပ်နိုင်ခြေသည် တစ်ကြိမ်မှာ အလုပ်ကိစ္စတစ်ခုကိုပဲ အာရုံစိုက်မယ်ဆိုရင် ပိုပြီး ထိထိရောက်ရောက် စွမ်းဆောင်နိုင်ပါသည်။ ဆိုလိုတာကတော့ တစ်ပြိုင်နက်တည်း အလုပ်တွေ အများကြီး လုပ်လေ၊ စွမ်းဆောင်ရည် ကျဆင်းလေပါပဲ။

နောက်တစ်ချက်ကတော့ အလုပ်တွေကို အချိန်မဆိုင်းပါနဲ့။ အရေးကြီးဆုံး အလုပ်တွေကို ပထမဆုံး ရွေးချယ်ပြီးမြောက်အောင် လုပ်ဆောင်ပါ။ ဒါကတော့ ရိုးရှင်းပါတယ်။ အချိန်ဆွဲခြင်းဟာ ကျွန်မတို့အတွက် အဓိက ရန်သူပါပဲ။ အလုပ်တစ်ခုကို ရွေ့ဆိုင်းခြင်းကြောင့် နောက်အလုပ်တစ်ခုက ထပ်မံပိုလာနိုင်ပါသည်။ အလုပ်လုပ်မည့် ကိစ္စတိုင်းအတွက် နောက်ဆုံးအချိန်ကို သတ်မှတ်ထားပါ။ စာဖတ်သူရဲ့ လုပ်စရာ ကိစ္စတိုင်း အတွက် နောက်ဆုံးပြီးရမယ့် ရက်တွေကို သတ်မှတ်ထားမယ်ဆိုရင် အချိန်တွေအများကြီး သက်သာတာကို အသေအချာ တွေ့ရပါလိမ့်မယ်။

လူတော်တော်များများက အလုပ်တွေ အများကြီးကို လုပ်ကြသည်။ အရာရာတိုင်းကို လုပ်နိုင်ဖို့ ကြိုးစားကြပေမယ့် ရလဒ်ကတော့ အမြဲတမ်း အနှုတ်လက္ခဏာပြနေတာပါပဲ။ ဒါကြောင့် တစ်ချိန်တည်းမှာ အလုပ်တွေအများကြီးလုပ်မယ်ဆိုရင် စာဖတ်သူ မောပန်းလာပါလိမ့်မယ်။ တစ်ခုပြီးမှ တစ်ခုလုပ်ဆောင်တာ အကောင်းဆုံးပါပဲ။

စာဖတ်သူရဲ့အတွေးတွေအားလုံးကို ချရေးနိုင်မယ့် ဒိုင်ယာရီကို စတင်ပါ။ ဒိုင်ယာရီထဲမှာ အစီအစဉ်တွေ ပြုလုပ်နိုင်သလို အဲဒါတွေကို ပုံဖော်ကြည့်နိုင်ပါသည်။ အဲဒါအပြင် စာဖတ်သူရဲ့ ရလဒ်တွေကိုပါ မှတ်သားထားနိုင်ပါသေးသည်။ တိုတိုပြောရရင် စာအုပ်မှတ်တမ်းရဲ့အကူအညီနဲ့ စာဖတ်သူကိုယ်တိုင် ဆန်းစစ်နိုင်ပါလိမ့်မည်။

စာဖတ်သူအနေဖြင့် အမြဲတမ်းအပင်ပန်းမခံပါနဲ့။ မောပန်းနွမ်းနယ်တဲ့အထိ အလုပ်ကို သိမ်းကျုံး မလုပ်ပါနဲ့လို့ ပြောချင်ပါသည်။ အားအင်ကုန်ခန်းတဲ့အထိ အလုပ်လုပ်ခြင်းဖြင့် အောင်မြင်မှုကို မရယူနိုင်ပါဘူး။ စာဖတ်သူရဲ့ အလုပ်တွေ၊ တာဝန်တွေနဲ့ ပင်ပန်းလာပြီဆိုရင် ရလဒ်ကောင်းတွေကို မရနိုင်ပါဘူး။ ဒါ့အပြင် စာဖတ်သူရဲ့အချိန်ကို ဖြုန်းတီးသလိုတောင် ဖြစ်နေပါလိမ့်မည်။ ဒါကြောင့် စာဖတ်သူကိုယ်တိုင် မပင်ပန်းအောင် ဂရုစိုက်ပါ။ အလုပ်တွေ တစ်ခုပြီးတစ်ခု ဆက်တိုက်လုပ်မနေဘဲ အနားယူတတ်ပါစေ။ စာဖတ်သူရဲ့ အချိန်တွေထဲမှာ အနားယူချိန်ကိုလည်း ထည့်သွင်းစဉ်းစားထားဖို့ လိုအပ်ပါသည်။ ဒါမှသာ အလုပ်ကို ရေရှည် အကျိုးရှိစွာ လုပ်ဆောင်နိုင်မည် ဖြစ်ပါသည်။ ပုံမှန်အားဖြင့် တစ်ပတ် အလုပ်လုပ်ခြင်းကို ၆ ရက် သတ်မှတ်ထားပြီး အနားယူရက်ကို တစ်ရက်ပေးထားသင့်ပါသည်။ ဦးနှောက်အတွက် အနားယူချိန်တွင်လည်း ပြည့်ပြည့်၀၀ အနားယူဖို့ အထူးလိုအပ်လှပါသည်။

အချိန်ကို စီမံခန့်ခွဲတတ်ရင် ရည်မှန်းချက်တွေအောင်မြင်ဖို့ အခွင့်အလမ်းတွေ ပိုရလာပါလိမ့်မည် ဖြစ်ကြောင်း ပြောရင်းဖြင့် အချိန်ကို အကျိုးရှိစွာ အသုံးချနိုင်ပြီး အောင်မြင်သောသူများ ဖြစ်ကြစေဖို့ ရည်ရွယ်ရေးသားလိုက်ရပါတော့သည်။

မနောဖြူလေး

၁၇.၆.၂၀၁၃