ဂလိုဘယ်လိုက်ဇေးရှင်းနှင့် ကျွန်မအမြင်

ဂလိုဘယ်လိုက်ဇေးရှင်းနှင့်ယှဉ်ပြီး ခေတ်မီတိုးတက်နေတဲ့ ဈေးကွက်စီးပွားရေးခေတ်ကြီးလို့ တဖြည်းဖြည်းပြောလို့ရလာတဲ့ အနေအထားဖြစ်ထွန်းပေါ်ပေါက်သော ခေတ်နဲ့ အံဝင်ခွင်ကျဖြစ်လာနေတာ တွေ့ရပါတယ်။ မျက်စိရှေ့မှာ စူပါမားကတ်ကြီးတွေ၊ ကုန်တိုက်ကြီးတွေ၊ ရှောပင်းမောတွေစတဲ့ တိုက်တာ အဆောက်အအုံကြီးတွေလည်း တိုးတက်များပြားလာနေသည် မဟုတ်ပါလား။ ဟော နောက်တစ်ချက်က မြို့ထဲ တိုက်ဟောင်းတွေဖြို၊ တိုက်သစ်တွေဆောက် ကြိုတင်လေလံဈေးတွေနဲ့ ရောင်းချ၊ စီးပွားရေးသမားတွေက နေရာကောင်းကောင်း သူ့ထက်ငါ အလုအယက်ဝယ်ယူ၊ ဆိုင်ခန်းတွေဆောက်နဲ့ နေရာတိုင်းမှာလည်း အရောင်းစင်တာကြီးတွေ ဖြစ်လို့နေပါပြီ။ ဒါတွေပဲလားဆိုတော့ ဆက်ကြည့်ပါဦး။ ရပ်ကွက်တွေမှာဆိုရင်လည်း လူနေတိုက်ခန်းမြေညီထပ်တွေ၊ အိမ်ရှေ့အဖီတွေဆိုရင်လည်း စတိုးဆိုင်တွေကနေပြီး အနည်းဆုံး စုံစီနဖာဆိုင်ကလေးတွေ အဆုံး အစီအရီရောင်းနေကြတာလည်း မျက်မြင်ကိုယ်တွေ့ပါပဲ။ နောက်ပလက်ဖောင်းတွေ လမ်းကြိုလမ်းကြားတွေမှာလည်း ဈေးဆိုင်၊ ပန်းခြံကားဂိတ်တွေမှာလည်း ဈေးဆိုင်တွေနဲ့ပြည့်လို့။ ဒါကြောင့်ပြောတာ ဂလိုဘယ်လိုက်ဇေးရှင်းဆိုတာ စီးပွားရေးခေတ်လို့၊ ဒါပေမယ့် တချို့ကျတော့ နည်းပညာခေတ်လို့ ပြောနေကြပြန်ရော။
လမ်းလျှောက်ရင်တောင် မျက်စိမှိတ် မလျှောက်မိစေနဲ့ တစ်ခုခုနဲ့တိုက်မိလို့ မျက်စိဖွင့်ကြည့်ရင်တောင် အဲဒါဈေးရောင်းတဲ့ဆိုင်ဖြစ်နေပါရောလား။

ဒါတောင် လမ်းဘေးရောင်းတာနော် တိုက်မိလို့ပြန်ပြီး ကောက်ပေးတာတောင် ဈေးသည်က ရှစ်ခေါက်ချိုးရုပ်နဲ့ ထသတ်မလားမှတ်ရ။ အင်း
ဒါတောင် ခေါင်းရွက်နဲ့ လည်ပင်းဆွဲပြီး တိုက်ကြိုတိုက်ကြား၊ မီးရထား၊ သင်္ဘောပေါ်တွေမှာပါ ဈေးသည်တွေ ဘယ်လောက်တောင်ပေါများနေသလဲဆိုတာ ပြေးမကြည့်နဲ့တွေးကြည့်တာနဲ့တင် သိနိုင်တယ်။
ကျွန်မ ပြောချင်တာက အဲဒါ မဟုတ်သေးဘူး။ ခေတ်နဲ့အညီ ရောင်းသူရှိသလို ၀ယ်သူရှိတာလည်း မဆန်းပါဘူး။ အဲ အလုပ်ရုံရှိသလို အလုပ်ရှင်ဆိုတာလည်း ရှိနေပြန်တယ်။ ဒီတော့ အလုပ်ရှိရင် အလုပ်သမားဆိုတာကရော ဘယ်နားထားမလဲ။ နည်းပညာခေတ်ရောက်လာပြီလို့ ဆိုကြပေမယ့် အလုပ်သမားဆိုတဲ့ လူတန်းစားကိုတော့ မေ့လျော့နေတတ်ကြတာ နေရာတိုင်းမှာလို့ပဲ ဆိုရပါလိမ့်မယ်။ ဒီတော့ ၀ယ်သူနဲ့ ရောင်းသူကြားမှာ ပေါင်းကူးပေးတာကတော့ အလုပ်သမားတွေရဲ့ မရှိမဖြစ် စွမ်းအားတွေလို့ ပြောရင် ပိုမှန်နေမလား မသိဘူး။ ဒါကြောင့်လည်း ကမ္ဘာနိုင်ငံတိုင်းမှာ အလုပ်ရှင်နဲ့ စားသုံးသူတွေရှိနေသရွေ့ အလုပ်သမားဆိုတာလည်း ရှိနေဦးမှာမို့ အလုပ်သမားဥပဒေတွေ သတ်မှတ်ပြီး အလုပ်သမားတွေကို ကာကွယ်ပေးခဲ့ကြတာ ရာစုနှစ်တွေပါ မနည်းတော့ဘူးထင်ပါတယ်။ အဲသည်လို အကာအကွယ်ပေးနေတဲ့ကြားမှာတောင် အလုပ်ရှင်ဘက်က ၀ိသမလောဘတွေတက်ပြီး အလုပ်သမားအပေါ် မောက်မာအနိုင်အကျင့်တာတို့၊ ကောက်ကျစ်စဉ်းလဲပြီး လုပ်အား၊ အချိန် ညစ်ယူတာတို့နောက် အလုပ်ကနေ မလိုချင်တဲ့ အလုပ်သမားတွေကို တရားဝင်ထုတ်ရင် အလုပ်သမားဥပဒေအရ သုံးလစာပေးရမှာမြင်ပြီး အလိုလိုထွက်သွားအောင် နည်းအမျိုးမျိုးနဲ့ စိတ်ဓာတ်ကျဆင်းအောင်၊ စတဲ့နည်းလမ်းတွေနဲ့ တင်းကြပ်မှုတွေ လုပ်လာတာတို့ ဖြစ်လာကြတာတွေ၊ အလုပ်သမားကို ခိုင်းတာနဲ့ ပေးတာမညီမျှတို့ ဆူပူမှုတွေ ဖြစ်လာကြတာ နိုင်ငံတကာသတင်းတွေမှာ မြင်တွေ့ဖူးကြမှာပါ။ နောက်တစ်ချက် ဆိုးတာကတော့ အလုပ်သမား အချင်းချင်း တန်းတူမဆက်ဆံပဲ ကိုယ်ကြည်ရင်ကြည်သလို အမြင်တည့်ရင် တည့်သလို စည်းကမ်းဖောက်ဖျက်နေရင်လည်း အရေးမယူ၊ ဒီတိုင်းပစားပေးပြီး ကိုယ်အမြင်မကြည်လင်တဲ့သူဆို ဖိနှိပ်ချုပ်ချယ်တဲ့ ခေါင်းဆောင်မှုတွေကလည်း အလွန်မှ သေးသိမ်ညံ့ဖျင်းရာရောက်တယ်ဆိုတာ မတွေးမိကြသလို လူဖျင်း၊ လူပိန်းတွေသာလုပ်တဲ့ အလုပ်ဆိုတာ မသိနားမလည်းကြတဲ့ လုပ်ငန်းရှင်တွေကလည်း တိုးတက်လာတဲ့ခေတ်နဲ့အညီ ဒုနဲ့ဒေး တောင်လိုရာလိုပုံလာနေကြပါကလား။
လူသတ္တ၀ါမှန်သမျှရဲ့ ရုပ်ကို နာမ်က ဦးဆောင်နေတာဆိုပြီး မြတ်ဘုရားဟောကြားထားတာဖြစ်လို့ လူအမျိုးမျိုး စိတ်အထွေထွေ စကားလိုပဲ စီးပွားရေးလောကက လူမှုဆက်ဆံရေးတွေမှာလည်း အလုပ်ရှင်နဲ့ အလုပ်သမား သူ့စည်းကိုယ့်စည်း စောင့်ထိန်းပြီး သဟဇတဖြစ်အောင် မကျင့်ကြံနိုင်ကြရင်တော့ ပြဿနာဆိုတော့ ရှိနေဦးမှာ မလွဲပါဘူး။ အဲသည်လို သူ့စည်းကိုယ့်စည်း စောင့်ထိန်းကြရင်းက တစ်ဖက်နဲ့တစ်ဖက် ယုံကြည်မှုရှိလာကြပြီဆိုရင်တော့ အလုပ်ရှင်နဲ့ အလုပ်သမား တစ်သားတည်း ဖြစ်သွားတဲ့အထိ မေတ္တာ၊ စေတနာ၊
သံယောဇဉ်တွေ ကူးလူးဆက်နွယ်သွားကြမယ်လို့ ကျွန်မ မြင်မိပါတယ်။ ဒါမှလည်း ကိုယ့်လုပ်ငန်းဟာ စီးပွားရေးလောကမှာ တစ်ရှိန်ထိုး အောင်မြင်ကြီးထွားတဲ့လုပ်ငန်းဖြစ်မှာ အမှန်ပါပဲ။
ကုမ္ပဏီတစ်ခုရဲ့ အောင်မြင်မှုဟာ ယင်းကုမ္ပဏီဝန်ထမ်းများရဲ့ ကုမ္ပဏီလုပ်ငန်းကို တက်ညီလက်ညီဝိုင်းဝန်းလုပ်ကိုင်မှုအပေါ်မှာ တည်ပါတယ်။ ၀န်ထမ်းများဖို့ထက် အရည်အချင်းရှိတဲ့ ၀န်ထမ်းနည်းနည်းနဲ့ လုပ်ငန်းအောင်မြင်အောင် ဖန်တီးနိုင်ရပါမယ်။
ခေါင်းဆောင်တစ်ယောက်အနေနဲ့ မိမိရဲ့ဝန်ထမ်းတွေ အလုပ်မှာ ပျော်ပျော်ရွှင်ရွှင်နဲ့ ခွန်နဲ့အားနဲ့ လုပ်ကိုင်ဖို့ တွန်းအားပေးရမယ်။ သူတို့နဲ့ စကားပြောတဲ့အခါ ပြောရမယ်၊ ဆွေးနွေးတဲ့အခါ ဆွေးနွေးရမယ်။ သူတို့ပြောချင်တာတွေ ပြောပါစေ။ နားထောင်ပေးပါ။ ဒီလို နားထောင်ခြင်းဖြင့် လုပ်ငန်းနှင့် ပတ်သက်ပြီး သင်မသိတာတွေ သိလာလိမ့်မယ်။ ဒုတိယအရေးကြီးဆုံးအချက်က သူတို့ရဲ့ လိုအပ်ချက်ကို သင် သိနေရမယ်။ဖြည့်ဆည်းပေးနိုင်စွမ်းရှိနေမယ်ဆိုရင်တော့ ကုမ္ပဏီကြီး အောင်မြင်တိုးတက်မှုရှိနေမည်မှာ မြေကြီးလက်ခက်မလွဲပါဘူး။

သည်တော့ အလုပ်ရှင်နဲ့ အလုပ်သမား တစ်ဖက်နဲ့ တစ်ဖက် နားလည်မှုတွေနဲ့ ကျီးဘုတ်ရိုသေ၊ ဘုတ်ကျီးရိုသေရှိနေကြသရွေ့။ ပဋိပက္ခဆိုတာ ရှိလာတော့မှာ မဟုတ်ဘဲ။ အလုပ်သမားတွေကလည်း ကိုယ့်အလုပ်သဖွယ် လုပ်ငန်းတိုးတက် အောင်မြင်အောင် အတွေးအခေါ် အသစ်တွေနဲ့ ကြိုးစား ဆောင်ရွက်သွားကြမှာ ဖြစ်ပါတယ်။ ဒီတော့ ဈေးကွက်လည်ပတ်မှု ချောမွေ့လာတာနဲ့အမျှ ကြီးပွားတိုးတက်ခြင်းဆိုတာလည်း နောက်က ကပ်ပါလာမှာ မလွဲဘူး ထင်ပါတယ်။ အဲသည်လို အလုပ်ရှင်နဲ့ အလုပ်သမားတစ်သားတည်း ဖြစ်လာကြတာနဲ့အတူ စားသုံးသူတွေအနေနဲ့ကလည်း အဆင်ပြေ ချောမွေ့လာကြမှာ ဖြစ်တာကြောင့် လောကပါလတရားတွေ ပြန့်နှံ့ပြီး ဈေးကွက်ပန်းခင်းကြီး အစဉ်ထာဝရ ရှင်သန်လှပနေမှာကတော့ ဂလိုဘယ်လိုက်ဇေးရှင်းခေတ်ကြီးလို့
ပြောစရာမလိုလောက်တော့ဘူးလို့ ကျွန်မ မြင်ယောင်နေမိပါတော့တယ်။
(မှတ်ချက်။ ။ နှစ်ဦးနှစ်ဖက် မြင်ကြည့်ခြင်း။)

အချစ်ကို ခွဲခြမ်းစိတ်ဖြာကြည့်မိခြင်း

အချစ်ဆိုတာ လူငယ်လည်း လူငယ်အတွေး၊ လူကြီးလည်း လူကြီးအတွေး ကိုယ့်အတွေးနဲ့ကိုယ် ရှိကြမှာပါ။ တစ်ယောက်တစ်မျိုးပေါ့လေ။
အချစ်ဆိုတာ ဘယ်ကစဖြစ်တာလဲ။ အရင်ဆုံး စဉ်းစားဖို့ လိုလာပြီနော်။ လှတာကိုလား။ ချောတာကိုလား။ ဒါမှ မဟုတ် အပြောကောင်းတာကိုဆိုလိုတာလား။ အဲဒီမှာ စကားပုံတစ်ခုကို စဉ်းစားမိတယ်။
“Love in the heart is better than honey in the mouth”
နှလုံးသားထဲက အချစ်ဟာ ပါးစပ်ဖျားက ပျားရည်ထက် ချိုပါတယ်တဲ့။ ဟုတ်မဟုတ်တော့ ကျွန်မလည်း မသိဘူး။
ကျွန်မ ခံယူမိထားတာကတော့ လူတစ်ယောက်မှာ It is needed to love and be loved. အချစ်ခံရဖို့နဲ့ ချစ်ဖို့ဆိုတာ လူတိုင်းမှာ လိုအပ်လိမ့်မယ်လို့ ထင်မြင်မိပါတယ်။
အဲ တစ်ခုတော့ ရှိတယ်နော် “And remember, the surest way to win love is to give love.” သိထားဖို့က မေတ္တာကိုရဖို့ အသေချာဆုံးလမ်းဟာ မေတ္တာကို ပေးဖို့ပါပဲ။
အချစ်ဆိုတာ ဘယ်အရာမှ မကောင်းဘူးလို့လည်း ထင်တယ်။ ပူလောင်တယ်။ အချစ်ဆိုတာထက် မေတ္တာထားတတ်ဖို့ လိုအပ်ပါတယ်။
အဲ အချစ်ဆိုတာ အချစ်တစ်ခုထဲနဲ့လည်း အချစ်ဆိုတာ ဖြစ်မလာတတ်ပါဘူး။ တစ်ဦးနဲ့ တစ်ဦး မေတ္တာထားနိုင်ဖို့ရယ် နားလည်မှုရယ် သစ္စာရှိဖို့ရယ် ဒါတွေ အားလုံးပေါင်းစပ်မှသာ အချစ်ဆိုတာ ဖြစ်လာမယ်လို့ ကျွန်မ မြင်မိပါတယ်။
ခု လူတွေဟာ ဘယ်အရာမှ တန်ဖိုးမထားတတ်ကြတာကို မြင်တွေ့နေရတာ တော်တော်စိတ်မကောင်းဖြစ်မိတယ်။ အများအားဖြင့် အွန်လိုင်းတက်နေကြတဲ့သူတွေရဲ့ ထုံးစံတစ်ခုပေါ့။ လွယ်လွယ်တွေ့၊ လွယ်လွယ်ပြော၊ လွယ်လွယ်ကွဲနဲ့ သူတို့ကျတော့ လွယ်လိုက်ကြတာနော်။ ဒါကို အချစ်လို့ ခေါ်တာလား။ ဒီတစ်ဦးကို ပြောကြည့်မယ်။ မရရင် နောက်တစ်ယောက်ပြောမယ်။ ဒါတွေဟာ အချစ်စစ်လို့ ပြောလို့ရမလား။
မဟာတ္ထမဂန္ဓီ ပြောခဲ့တာကတော့
“where there is love, there is life. Hatred leads to destruction. အချစ်ရှိလျှင် ဘ၀ရှိ၍ အမုန်းတရားသည် ပျက်စီးခြင်းကို ဦးတည်သည်တဲ့။
ကျွန်မမြင်မိတာကတော့ “lowe is a fervent fire” အချစ်ဆိုတာ ပြင်းထန်တဲ့ မီးတောက်မီးလျှံပဲ။
လောကမှ နှစ်ဦးနှစ်ဖက် လိုချင်တာနဲ့ ပေးဆပ်တာ ထပ်တူကျမှသာ အချစ်ဆိုတာ ဖြစ်ပေါ်လာရင် ပိုကောင်းပါတယ်။
အချစ်ဆိုတာ ဘဏ်တိုက်မှာ သွင်းထားတဲ့ ငွေကြေးလို မဟုတ်ပါဘူး။ လိုတဲ့အခါ ထုတ်ချင်တိုင်း ထုတ်လို့မရပါဘူး။
သူ ပေးနိုင်ပြီး ကိုယ်မပေးနိုင်တဲ့အခါ တစ်ဖက်သားအတွက် စိတ်မကောင်းရုံက လွဲလို့ မတတ်နိုင်တဲ့အရာတစ်ခုပါပဲ။
ကျွန်မကတော့ မချစ်ရဲဘူး။ ဘာကြောင့်လဲဆိုတော့ သံယောဇဉ်အရမ်းကြီးတတ်လို့ပဲ။ သံယောဇဉ်ဆိုတဲ့အရာဟာလည်း ဖြတ်နိုင်တဲ့သူတွေအတွက် အေးချမ်းပေမယ့် မဖြတ်နိုင်တဲ့သူတွေကျတော့ အမြဲပူလောင်နေတာပဲလေ။
ကျွန်မကတော့ အချစ်ဆိုတာ ရယူခြင်းရှိသင့်သလို ပေးဆပ်မှုလည်း ထားတတ်ရမယ်။ ဟုတ်တယ်မလား။
အချစ်ဆိုတာ ကိုယ်ကျင့်တရားနဲ့လည်း သက်ဆိုင်နေပါတယ်။ ဒါဟာလည်း မပါမဖြစ်ဘူးလေ။
အင်း မရေးလည်း မရေးတတ်ပါဘူး။ ရေးချင်တာတွေလည်း ရှိသေးတယ်။ အချစ်အကြောင်းကို လေ့လာပြီးမှပဲ ဆက်ရေးတော့မယ်…. ဟီးဟီး
ကဲ အမှတ်တရ ကျွန်မရဲ့ ကဗျာလက်ဆောင်များ
Love အချစ်ဆိုသည်မှာ
L…. lake of Sorrow (၀မ်းနည်းပူဆွေးရေအိုင်)
O…. Ocean of Tears (မျက်ရည်သမုဒ္ဒရာ)
V…. Valley of Death (မရဏတောင်ကြား)
E… End of Live (ဘ၀နိဂုံး) ပါတဲ့.….. ဟုတ်တယ်ဟုတ်… မဟုတ် ဟုတ်ဟုတ်…. ဟုတ်
နောက်တစ်ပုဒ်လက်ဆောင်
အချစ်ဆိုတာ
ဒုက္ခရဲ့နိဒါန်း
သောကရဲ့မြစ်ဖျား
အလွမ်းရဲ့ဗဟို
အပြိုပြိုအလဲလဲ
ငိုလို့မဆုံးတဲ့ ပွဲတစ်ပွဲ.…. ပေါ့
အချစ်ဆိုတာအာပလာ….
ဘ၀ဆိုတာအလှမပါ…
ကဗျာတွေမှတင့်တယ်တာ…
အဲဒါနှစ်သက်စရာ….

မနောဖြူလေး

ရင်ဝေးသစ္စာ

အလွမ်းတွေနဲ့
ပူလောင်နေတဲ့ တို့နံဘေးမှာ
လေပြည်လေညင်းက မြူးတူးစွာ ခုန်ပေါက်လို့…
အမောတကော ဆွဲဖွင့်ခံရတဲ့
တို့ မနက်ခင်းတိုင်းမှာ
လန်းဆန်းတက်ကြွမှုတွေ ကျကွဲလို့….
ဟောင်းနွမ်းနေတဲ့ သက်ပြင်းတွေထဲမှာ
မင်းအရိပ်တွေ
စာနာမှု ကင်းမဲ့စွာ ကြီးစိုးနေလို့…
တို့ တည်ဆောက်ခဲ့တဲ့ သံယောဇဉ်မြို့မှာ
ဒုက္ခပေါင်းစုံက
ရောင်စုံညတွေလို လှပနေလို့…
မင်းနဲ့ တို့ဘ၀
တစ်ထောင့်တစ်ည ပုံပြင် ဖြစ်တော့မယ် ထင်ပါရဲ့…
ချစ်ဆုံးရေ…
ခရီးတစ်ဝက်နဲ့ သင်္ဘောပျက်နေတဲ့ တို့နှစ်ယောက်မှာ
အလွမ်းမုန်တိုင်းတွေနဲ့
စိတ်ထင်တိုင်း မိတ်ဆွေဖွဲ့ရုံမှတစ်ပါး
မင်းနဲ့ တို့
သစ္စာတရားနဲ့ ခရီးဆက်ကြမယ်နော်….

မနောဖြူလေး

မိသားစုတစ်စု၏ ခရီးရှည်စတင်ဖြတ်သန်းခြင်း

နေ့စဉ်ကောင်းမွန်တဲ့ ဘဝကိုဖြတ်သန်းနိုင်ဖို့ဆိုတာက မိသားစုတစ်စုရဲ့ အခြေခံပန်းတိုင်ဖြစ်ပါတယ်။ မိဘဖြစ်လာပြီဆိုတာ ခရီးရှည်ကြီးတစ်ခုကို အစပြုလိုက်တာပါပဲ ဖြစ်ပါတယ်။ မိသားစုတိုင်းမှာ ရည်မှန်းထားတဲ့ ပန်းတိုင်တွေ အသီးသီးရှိကြမှာပါ။ မိဘဖြစ်လာပြီဆိုတာနဲ့ ခရီးရှည်ကြီးတစ်ခုကို အစပြုလိုက်တာပါ။ ဒီ ခရီးကို ကလေးနဲ့အတူ ချီတက်ကြရပါတော့တယ်။ မိဘဖြစ်ခြင်းကို ခရီးတစ်ခုနဲ့ ဥပမာပေးပြီးပြီဆိုတော့ ကလေးနဲ့အတူ ဘယ်လို ခရီးဆက်ကြမလဲဆိုတာ သိမှတ်ထားသမျှ ရေးသားလိုက်ရပါတယ်။ မွေးကင်းစကလေးတွေဟာ အဆင့်ဆင့်ကြီးထွားလာမှာ ဖြစ်တာ ကြောင့်  အမြဲထွေးပိုက်ထားလို့ မရနိုင်သလို ဖွံ့ဖြိုးစအရွယ်ဖြစ်တဲ့အတွက် ချုပ်တည်းထားလို့လည်း မရပြန်ဘူး။ စတင်ထိုင်တတ်လာပြီး လေးဘက်ထောက်သွားမယ်၊ နောက် လမ်းလျောက်တတ်မယ်၊ ပြေးမယ် စတဲ့ ခန္ဓာကိုယ်ဖွံ့ဖြိုးလာတာနဲ့အမျှ ဒီခရီးရှည်မှာ ကလေးကလည်း သူ့လမ်းသူလျောက်နိုင်တဲ့ လူတစ်ယောက်အဖြစ် ပါဝင်လာမှာဖြစ်ပါတယ်။ သမီးလေးက ငယ်ငယ်က တွန်းလှည်းထဲ ထည့်ထားတာများတော့ လမ်းစလျှောက်တတ်လာတဲ့အချိန်ကျတော့ ခြေဖျားထောက်ထောက်ပြီး သွားနေတဲ့အတွက် ပုံမှန်လမ်းလျှောက်ဖို့ ပြန် ပြန်လုပ်နေရပါတယ်။

မိဘဖြစ်လာမယ့် ကျွန်မတို့အနေနဲ့  ကလေးတွေကို ထိထိရောက်ရောက်ဘယ်လို စောင့်ရှောက်ကြ မလဲဆိုတာကို  စိတ်ဝင်စားကြမှာပါ။ လက်ဦးဆရာ မည်ထိုက်စွာ ပုဗ္ဗာစရိယ မိနဲ့ဘဆိုသလိုပဲ ကလေးတစ်ယောက်ရဲ့ ပထမဆုံးရှင်သန်ကြီးပြင်းရတဲ့ ပတ်ဝန်းကျင်က မိဘနှစ်ပါးပါပဲ။ မိဘတွေအနေနဲ့ ကလေးတွေကို ဘယ်လို     ကလေးမျိုး ဖြစ်စေချင်တာလဲ။ ကလေးတစ်ယောက်ဟာ လမ်းပေါ်မှာ အမှိုက်မပစ်ဖို့ဆိုတဲ့ စည်းကမ်းကို လိုက်နာဖို့ဆိုရင် မိဘကိုယ်တိုင်က အမှိုက်ကို စနစ်တကျ စွန့်ပစ်ပြဖို့တော့ လိုအပ်ပါတယ်။ နောက်တစ်ချက်က အရင်ဆုံး သရုပ်ဆောင်ပြဖို့လည်း မမေ့ပါနဲ့။ ကျွန်မသမီးလေးဆိုရင် ကိုယ်ချွတ်လိုက်တဲ့ ဒိုင်ဗာကို ကိုယ်ယူပြီး အမှိုက်ပုံးထဲ ထည့်တတ်အောင် တစ်ခါပဲ ရှေ့ကလုပ်ပြထားတဲ့အတွက် သူ့ဘာသာ ထည့်တဲ့အကျင့်လေးရနေပြီ ဖြစ်ပါတယ်။ ဒါတောင် မလွှတ်ပစ်တဲ့ ကြွပ်ကြွပ်အိပ်လည်း ယူပြီး အမှိုက်ပုံးထည့် ထည့်နေတဲ့အတွက် ပြန်သုံးလို့ရကြောင်း သူ နားလည်အောင် ပြောပြထားပေးပါတယ်။ နောက် ထမင်းစားပြီး ဖွတဲ့အခါ တံမြက်စည်းလှည်းရမယ်ဆိုတဲ့ အသိလေး သွင်းပေးထားတဲ့အတွက် အမှိုက်ဖွပြီးရင် တံမြက်စည်းနဲ့ ဂေါ်ပြား ပြေးယူပြီးလှည်းတော့တာပါပဲ။ ကလေးတွေရှေ့မှာ ကိုယ်က ဘယ်လိုပုံစံနေပြမှာလဲ။ ဘာတွေကို တန်ဖိုးထားပြကြမလဲဆိုတာက အရေးကြီးပါတယ်။ ဘာကြောင့်လဲဆိုရင် ကလေးဆိုတာ အတုခိုးတတ်ကြပါပြီး သင်လွယ်တတ်လွယ်ရှိ ကြပါတယ်။

သမီး ၅ လ ၆ လသားထဲက ဘေဘီရမ်သမ်လေးတွေ အမြဲဖွင့်ပြဖြစ်ပြီး ယခုတိုင် အိပ်ချိန်ဆိုရင် ကြည့်ပြီးမှ အိပ်လေ့ရှိပါတယ်။ နောက်တစ်ချက်က သူ့အတွက် ငြိမ်ဆေးတစ်ခုဆိုလည်း မမှားပါဘူး။ နောက်ဒီထဲမှာပါတဲ့ ဇာတ်ကောင်လေးတွေ ဘာတွေလုပ်လဲဆိုတာ လိုက်မှတ်တတ်နေပါပြီ။ ဒါကြောင့် ပြသတဲ့အခါ ကလေးတွေအတွက် အသုံးဝင်မယ့်အရာလေးတွေ ပြသရင် ပိုမိုသင့်လျော်ကောင်း မွန်ပါတယ်။ တခါတလေ မိဘကပြောတဲ့ မလုပ်ရဘူးနော်ဆိုတဲ့ တားမြစ်မှုကို ကလေးတွေက နားမထောင်ချင်တတ်ပါဘူး။ ဒါပေမယ့် ပြတဲ့ကာတွန်း ဇာတ်ကောင်လေးတွေရဲ့ ကောင်းတဲ့ အပြုအမူလေးတွေကိုတော့ ကလေးတွေက အတုခိုးတတ်ကြပါတယ်။ ကလေးတွေကို ကောင်းတဲ့ အပြုအမူတွေလုပ်ဆောင်ချင်အောင်၊ တန်ဖိုးထားမှုလေးတွေ   မှန်ကန်အောင် ယခုလို ဘေဘီရမ်သမ်လေးတွေဖြစ်ဖြစ် ပုံပြင်ပြောပြတာဖြစ်ဖြစ်ကနေ အတွေးတွေ ပေးလို့ရပါတယ်။ ပုံပြင်ကတော့ အမြဲပြောပြဖို့ မိဘတွေက အချိန်အားရင် တော်ရဲ့၊ အချိန်မအားရင်တော့ ပြောပြနိုင်မှာ မဟုတ်ပါဘူး။

တခါတရံမှာ ကလေးနဲ့ မိဘကြားနားလည်မှုလွဲနေတာတွေ ရှိတတ်ပါတယ်။ မိဘ ကလည်း  စိုးရိမ်လို့အော်တယ်။ ကလေး ကလည်း ဖြစ်ချင်တာလုပ်ရဖို့ ဇွတ်လုပ်မယ်။ မလုပ်ရရင် အော်ဟစ်ငိုယိုမယ်။ ဒါက မိဘနဲ့ ကလေးတွေကြား အမြဲဖြစ်နေကျ ပုံစံတွေပါ။ ဒီအခါ ကလေးပြောတာ သေချာနားထောင်ပေးပြီး၊ ခွင့်ပြုနိုင်ရင် ကလေးကိုခွင့်ပြုပေးဖို့လိုသလို၊ ကိုယ်မဖြစ်စေချင်တာကိုလည်း သေချာ ရှင်းပြပေးဖို့လိုပါတယ်။ ကလေးတွေရဲ့ စကားကိုနားထောင်ပြီး နားလည်စေတဲ့ စကားလုံးနဲ့ လေးလေးနက်နက် ရှင်းပြမယ်ဆိုရင် ကလေးလေးတွေက မိဘစကားကို နားထောင်တတ်လာပါမယ်။ ကလေးတို့မှတ်ဥာဏ်လေးနဲ့လိုက်ဖက်မယ့် စကားလုံးလေးတွေဖြစ်ဖို့တော့ လိုအပ်ပါတယ်နော်။ ဒါမှ တွေးနိုင်သလောက် ကြောင်းကျိုးခိုင်လုံမှာဖြစ်ပြီး ကလေးတွေအတွက် လိုက်နာဖို့လည်း လွယ်ကူလာ နိုင်မှာ ဖြစ်ပါတယ်။

အခုတမျိုး တော်ကြာတမျိုး စည်းကမ်းတွေက ကလေးကို ထိန်းကြောင်းတဲ့အခါမှာ မထိရောက်ပါဘူး။ ဥပမာ မနက်မိုးလင်းရင် မျက်နှာသစ်ရမယ် မသစ်ခင်မှာ သွားတိုက်ရမယ်ဆိုတာ ကလေး သိထားရပါမယ်။ တစ်ခါတလေ သမီးက ရေချိုးဖို့ ကြောက်တတ်ပါတယ်။ အဲဒီအခါ သူကစားနေတဲ့ ဘောလုံးတွေ အရုပ်တွေနဲ့ ရေကန်လေးထဲ အရင်ထည့်ပြီး ရေလောင်းပြရပါတယ်။ နောက်မှ သူ့ကို ကိုယ်တိုင် မျက်နှာသစ်ခိုင်း ရေထိခိုင်းရပါတယ်။ ယခုဆိုရင် ပုံမှန်အားဖြင့် မနက်မိုးလင်း အိပ်ရာက နိုးလာတာနဲ့ teeth လို့ ပြောပြီး သွားတိုက်တဲ့ပုံစံ လုပ်ပြပါတယ်။ သဘောကတော့ သူ မျက်နှာသစ်မယ်ဆိုတဲ့အဓိပ္ပာယ်ပဲ ဖြစ်ပါတယ်။ သားသားမီးမီးရှိတဲ့ မေမေဖေဖေများအတွက် ခရီးရှည်ကြီးကို စတင်ဖြတ်သန်းတဲ့အခါ တွေ့ကြုံရတာလေးတွေကို ရေးသားလိုက်ရခြင်းပင် ဖြစ်ပါတော့တယ်။

မနောဖြူလေး

သင်္ဘောသားတစ်ယောက်ရဲ့ ပင်လယ်ပြင်အတွေ့အကြုံ

ခုတစ်လော လူတွေကို အင်တာဗျူးရတာ အတော်စိတ်ဝင်စားနေတဲ့ မနောတစ်ယောက် နေပြည်တော် ခဏလေးသွားတော့လည်း ပလောင်တွေရဲ့ ဘ၀နေနည်း၊ ဘယ်အသက်မှာ လည်ပင်းကွင်းတွေစွတ်ရတာလဲ။ ဘယ်ချိန်မှာရပ်လဲ။ ဘယ်အသက်ပိုင်းခြားလိုက် ဘယ်လိုနေမှုထိုင်မှုတွေလုပ်သလဲနဲ့ သွားရောက်စပ်စုမိပြီး သကာလ.... နောက်ထပ် စပ်စုမိတာကတော့ သင်္ဘောပေါ်မှာ ဘယ်လိုအတွေ့အကြုံတွေနဲ့ ပင်လယ်ပြင်ကို ဖြတ်သန်းနေလဲဆိုပြီး ခင်မင်ရတဲ့ သင်္ဘောသားတစ်ယောက်ကို ခုလက်ရှိအခြအနေလေးတွေ မေးမြန်းဖြစ်ခဲ့ ပါတယ်။ သိရပြန်တော့ သူတို့ရဲ့ဘ၀က တကယ့်ကို ပင်လယ်နဲ့ အမြဲရင်ဆိုင်နေပြီး အသက်ကို အပ်နှံထားရ ပါလားလို့ ခံစားမိပါတယ်။ အရင်တုန်းကတော့ သင်္ဘောသားတွေ ကမ်းပေါ်နားပြီဆိုရင် ဟိုယောင်ယောင် ဒီယောင်ယောင် လျှောက်သွားနေလို့ ပြောခဲ့သေးတာပဲ။ နောက်တော့မှ သူတို့ရဲ့ဘ၀ကဟာ ပင်လယ်ပြင်မှာ ဘ၀မျိုးစုံ ကျင်လည်ခဲ့ရတာပါလားလို့ သိလာရတယ်။ ခုလည်း မနေ့က သူတို့ရဲ့သင်္ဘောပေါ် အတွေ့အကြုံ လေးကို မေးမြန်းခဲ့တာလေးကို တင်ပြလိုက်ပါတယ်။

စကားစမြည်ပြောရင်း သင်္ဘောပေါ်မှာ ဘယ်လိုနေရလဲ။ ဘယ်အပိုင်းတွေလုပ်ရလဲ။ လူဘယ်နှယောက်ရှိလဲ။ မစ္စစ္စပီမြစ်ထဲရောက်နေတဲ့အချိန် မေးမြန်းခဲ့တာလေးပါ။

          မနေ့တစ်နေ့ကပေါ့။ အစ်မ နေ့ခင်းကလို့ပြောရမှာပဲ ကျွန်တော် duty လူစားဝင်ရတာလေ၊ ချက်ချင်းကြီး အရေးပေါ်Alarm ပေးလို့ ပြေးရတာ၊ ဘယ်သူဌေးရဲ့  jetty လဲမသိပါဘူးဗျာ ပြုတ်ပြီး မျောပါလာတာ... rader မှာ ပုံစံမတိကျသော subject ပေါ်လာလို့ ဆိုပြီး Phone နဲ့ ခေါ်တာလေ။ တစ်ညလုံးဗျာ သင်္ဘောဦးမှာ ညကြည့် binoculor တပ်ပြီး နေရတာ။ မိုးကရွာ လေကတိုက်နဲ့  ၇ ယောက်လုံး တုန်နေတာပဲ။ အဲ့ဒါကြီး မှန်ဘီလူးထဲ မြင်ရပြန်တော့လည်း rescue boat ထဲ ဘယ်သူမှ ရုတ်တရက် မ၀င်ကြဘူး ဘာမှန်းမသိလို့ လန့်နေကြတာ လေ။ ကျွန်တော်လည်း ကြောက်တာပဲ ရေစီးထဲမှာ style မျိုးစုံနဲ့ လာနေတာလေ။ Movie ကြည့်နေရတာမှ မဟုတ်တာ။ ဒီကြားထဲ coast guard က စက်နဲ့ ပြောသေးတယ် (သူတို့ လာနေပြီ ပူးတွဲလုပ်ဆောင်ပါ။ subject က ကြီးတယ် ရွေ့ လျားမှု ပုံစံမမှန်လို့ ... ဘာညာပေါ့ ဗျာ)

သတိပေးတယ်။ ဒါပေမယ့် အဲ့ဒီအချိန်မှာ ကျွန်တော်က Team leader လေ။ duty အစားဝင်တာ ဟုတ်သည်ဖြစ်စေ မဟုတ်သည်ဖြစ်စေ Order မပေးနိုင်ရင် ခေါင်းဆောင်ပြီး မလုပ်နိုင်ရင် ကျွန်တော့ရဲ့Majour subject မှာ ကျဖို့ သေချာပြီလို့တွေးမိတယ်။ ကြောက်စိတ်ကို ဟန်ဆောင်ပြီး rescue boat ပေါ်တက်ပြီး ခေါင်းထဲပေါ်လာတာတွေပြောလိုက်တာ ဟုတ်တော့ဟုတ်သွားတာပဲ နားလည်ကြတယ် မိန်းကလေး ၂ယောက်၊ ၁ ယောက်က boat ကို ရေထဲချပေးဖို့ crane control နားကိုပြေးတယ် နောက်တစ်ယောက်က ဆက်သွယ်ရေး စကားပြောစက်ကို Bridge နဲ့  ကယ်ဆယ်ရေးအဖွဲ့ကြားမှာ နေပြီး ဆက်သွယ်ပေးဖို့ ပြင်တယ်... boat ပေါ်မှာ ကျွန်တော်အပါအ၀င် ယောက်ျာလေးက ၃ ယောက်၊ မိန်းကလေးက ၂ယောက်.. သင်္ဘောပေါ်မှာ မိန်းကလေး၂ ယောက် ဆိုတော့ team ၇ ယောက် ...လူပြည်ပြီလေ.. Order ပေးပြီး rescue boat ကို ရေထဲ ချခိုင်းတဲ့အချိန်မှာ Bridge wind ကနေ Search light နဲ့ မီးထိုးပေးထားတယ်၊ မာလိန်စင်က အရာရှိတွေရော Training လာတက်တဲ့  officer cadet တွေပါ အလုပ်ရူပ်နေသလို သူတို့ထဲက အတွေ့ အကြုံရှိတဲ့ လူကြီး လိုက်မယ် စောင့်ပါလို့ P.A.system  နဲ့ ပြောတယ်။ ကြားတော့ ကြားတယ် ဒါပေမယ့် rescue boat ရဲ့ engine

အသံ၊ မိုးသံ၊ ရေလှိုင်းသံတွေနဲ့ နားမရှင်းဘူးလေ။ မလုပ်ဖူးတဲ့ဟာ လုပ်ရတော့ ကြောက်နေတာလဲ ပါတာပေါ့ဗျာ။ Line  ကြိုးဖြုတ်ပြီးတာနဲ့ သင်္ဘောဘေးကခွာပြီး အမှောင်ထဲမောင်းမှ ပိုလန့်လာတယ်။

အဲဒါနဲ့ ပဲ full ahead လို့ အမိန့်ပေးပြီး မောင်းခိုင်းပြီးသွားတာ နာရီဝက်နီးနီးမှ ရောက်တယ်ဗျာ။ သဲသဲကွဲကွဲမြင်ရမှ ကြည်လိုက်တော့ ဘာကြီးထင်လဲ...? ဇိမ်ခံspeed boat တစ်စီးက မှောက်ခုံဖြစ်လိုက် ဒေါင်လိုက်၊ ပက်လက်၊ သူနဲ့ တွဲနေတဲ့ ဆိပ်ခံတံတားကလည်း သူကို ကိုင်ပေါက်နေသလို လိမ့်လာနေတာ။ ငြိမ်ပြီး မျောတဲ့အခါမျော speed boat ကို ကိုင်ပေါက်တဲ့အခါပေါက်နဲ့ လေ။ Speed boat က ပေ ၃၀ လောက် တံတားက ၂၅ ပေကျော်လောက် ရှိမယ်။ ဘာလုပ်ရမယ်မှန်း မသိဘူး။ သူ့ ရှေ့ကလည်း မနေရဲတာနဲ့ ဘေးကနေ ဦးတည်မောင်းခိုင်းပြီး ကပ်ရတယ်။ စဉ်းစားလို့ရတာလဲ ဒါကြီးကို ကမ်းဘက်ဆွဲသွားဖို့ပဲ။ နောက်လှည့်ကြည့်တော့ rescue boat မောင်းတဲ့ကောင်ကိုဖယ်လိုက်ရင်  Leader က ကျွန်တော် နောက်လိုက်က မိန်းကလေး ၃ ယောက်... ကျွန်တော် ဗမာလို ညည်းဆဲ ဆဲမိတယ်။ ငိုချင် ရီချင်လည်း ဖြစ်သွားတယ်။  ဒါတွေနဲ့  ဒီလိုအချိန်မှာ မြိုင်ထ က ရမလိုပဲဗျာ။ စဉ်းစားကြည်ပါ ကျွန်တော့နေရာက နေပြီး။ မထူးတော့တာမို့  life jacket ကို ၀တ်ထားတာ သေချာအောင်စစ်၊ ခါးမှာ life line ကြိုးကိုချည်ပြီးတာနဲ့ သူတို့ကို You all back up to me and sand the massage to the mother ship. I will try to tie the line to the jetty smallest part. If i can, you all try to reach that to the river bank. You, watch the line rope and you, watch the thing that and back up to me .And you, detail report to mother boat. And you drive the boat up side of the thing... Do you all understand...??? ခပ်တည်တည်ပဲ order ထုတ်ပေးတာ။ တစ်ယောက်မှ မခံဘူး ပြန်အော်တယ်။ YES SIR!! တဲ့။ Yes sir ရောင်းကြမှာပေါ့ သေရင် ကျွန်တော် အရင်သေပေါ့။ ရေစီးအထက်ဘက်လည်း ရောက်ရော emergency ဖြစ်လာခဲ့ရင် ကြိုးကို ဖြတ်ပြစ်ဖို့ ထပ်မှာပြီး ရေထဲလျောဆင်းနေပြီး သရဏဂုံတင်နေလိုက်တယ်။ အောက်ကနေ ဘယ်ငါးလာဆွဲမလဲ ဆိုပြီး လည်း တွေးမိသေးတယ်။ ရေကလဲလွှတ် အေးတာတာ။ diver suit ၀တတ်ထားတာတောင် အေးတာ။

                အခြေအနေကောင်းတာနဲ တံတားရဲ့ အသေးဆုံးနေရာကို ကူးသွားတယ်။ Life jacket က ဖော့ပေးထားတော့ ရေမကူးတတ်လည်း အေးဆေးပဲလေ။ မှောက်စောင်းစောင်းဖြစ်နေတဲ့ speed boat က Fiber body ဆိုတော့ မျောတာမြန်တာပေါ့။ လေးတဲ့ တံတားက နောက်မှာကျန်နေတဲ့အချိန် ဖမ်းဆွဲတာ ရေစီးကြောင်း မြောက်ပါသွားတာ ခါးက ကြိုးကိုဖြုတ်ချည်ဖို့ မပြောနဲ့ အောက်ပြန်မကျအောင် မနည်းကိုင် ထားရတယ် ။ Body weight က တံတားကို အောက်ပြန်ကျအောင်ထိ မရှိတော့ ရေတစ်ဝက် လေတစ်ဝက်နဲ့  ဇော်ကန်လန့် ဖြစ်နေတာလေ။ ပြန်ခုံချရင်လည်း အရှိန်နဲ့ တံတားအောက်ဝင်သွားရင် သေမှာလေ။ တော်တော် ကြာတော့ အောက်ကနေ ခြေထောက်ကိုခိုဆွဲချရင်း တစ်ယောက်ရောက်လာတယ်။ သူက ကျွန်တော့ကို ခိုနင်းရင်း တံတားကို ကူပြီးခိုမှ တံတားက ရေထဲပြန်ကျတာနဲ့ နှစ်ယောက်သား တံတားပေါ်တက်၊ ကြိုးချည်ပြီး boat ကို အချက်ပေးပြီး ကမ်းဘက်ကို ဆွဲခိုင်းရတယ်။ အစဉ်ပြေတာနဲ့ မင်းဘာလို့ လိုက်လာတာလဲ အမိန့် ကို နားမလည်လို့လား မေးတော့ မရွှေချောက ပြန်ပြောတယ်ဗျ One will be dead,Two must be alive. Now, we are in same color တဲ့ သူ လာကူလို အစဉ်ပြေတာမို့ ဘာမှအပြစ်ပြောမနေတော့ပဲ နေလိုက်တယ်။ အဲဒီအချိန်မှာ Coast guard က Speed boat တွေ diver ၄ ယောက်စီနဲ့ရောက်လာပြီး ရေထဲဆင်းနေကြ၊ ကြိုးတွေ လာချည်နေကြတယ်။ ပြီးတော့ ကမ်းဘက်ကို ကူဆွဲဖို့ လေ။ ကျွန်တော်တို့  Traning ship ကလည်း တစ်စီးလုံး မီးတွေထိန်နေအောင် ဖွင့်ပြီး မြစ်လည်မှာစောင့်နေတယ်။ ကျွန်တော်တို့  ၂ ယောက်လည်း အဲဒီအခြေအနေရမှပဲ ယဉ်ကျေးမှုအရ နာမည်ပြောကြ မိတ်ဆက်လိုက်ကြတယ်။ သူ ဖွက်ယူလာတဲ့ဆေးလိပ် မျှသောက်အပြီး မြစ်လယ်ရေစီးက လွတ်ကာနီး ရေစီးအပြောင်းမှာ ပြဿနာဖြစ်တာပဲ  ရေစီးအပြောင်း အလေးချိန်ရှိအောင် ကျွန်တော်တို့နှစ်ယောက် ဖိထိုင်ထားတဲ့ဘက်က မြောက်တက်သွားပြီး တစ်ပတ်လိမ့်တာ ကျွန်တော်က အပေါ်ဘောင်ကို ပြန်ဖမ်းကိုင်ထားမိတော့ တံတားက ကျွန်တော့ကို ပိတာနဲ့ ရေအောက်ကနေ ချက်ချင်း ဆွဲထွက်လိုက်နိုင်တယ်။ သူ့ ကိုကြည့်တော့ မတွေ့တော့ဘူး။ Coast guard က မီးရောင်ထဲလည်း မတွေ့၊ တံတားပေါ်ပြန်တွယ်တက်တော့မှ တံတားအောက်က life jacketက ရောင်ပြန်ကြောင့် တွေ့ တာ။ တံတားက အပေါ်ကပိနေသလို life jacket က သူ့ကို ပင့်တင်ထားတာရယ်၊ ရေစီးက ထွက်မရအောင် လုပ်ထားသလို ဖြစ်ကုန်တာလေ။ အဲဒီအချိန်ထိ သူ အသက်အောင့်ထားနိုင်သေးတယ်။ ကျွန်တော်လည်း ချက်ချင်းပြန်ဆင်းပြီး သူ့ခြေထောက်မိတာနဲ့ ဆွဲထုတ်တာပဲ မရဘူး။ coast guard က diver ပါဝင်ဆွဲမှရတယ်။ တံတားပေါ် ဆွဲတင်ပြီး First aid လုပ်ပေးတော့ ၁ မိနစ်မပြည့်ဘူး ရေတွေအန်၊ ချောင်းတွေဆိုးလာတော့ Okay ပြီပေါ့။ ဆက်ပြီး နှာတွေပါချေတော့မှ သွေးကဖြာကနဲ နှာခေါင်းကရော ပါးစပ်ကပါ ထွက်လာတော့ လန့်သွားတယ်။ ဒါပေမယ့် ၁၀ ကြိမ်လောက် ဖြစ်ပြီး သတိလည်လာတယ်။ Coast guard က လူကလည်း Take her back to your mother boat လို့ ပြောရင်း ကျွန်တော်တို့ရဲ့ boat လေးပေါ် ပြန်တင်ကူပေးတယ်။ မချောက မလည်တလည်နဲ့ မေးသေးတယ်။ Are we success? တဲ့။ နောက် ၅ မိနစ်လောက်နေတော့ စက်ရှိန်မှေးထားပြီး စောင့်နေတဲ့ mother ship ရဲ့ ဆလိုက်မီးရောင်အောက်မှာ ကြိုနေသူတွေအပြည့်နဲ့ ပေါ့။

                  အခုတော့ Red India, Moshae လူမျိုးစု ကောင်မလေး (Trainee Officer Cadet/ Pilot လောင်းလျာလေး) က သင်္ဘောပေါ်က ဆေးခန်းမှာ အခြေအနေ တိုးတက်စွာဖြင့် ကုသမှု ခံယူရင်း အနားယူ နေပါတယ်။ မြန်မာလူမျိုး (Trainee Officer cadet/ General Safety Officer/2nd mate promote to SLOT tanker Co; United Kingdom  အမလေးလေ ကိုယ့်အမြီးကိုယ် ဒီလောက်ရှည်မှန်းမသိဘူး တက်နင်း မိမှာတောင် ကြောက်ရသေးတယ်) တောင်မရောက် မြောက်မရာက်လေးကတော့....... သြော်... မေ့နေလို့.... မရှင်းတာရှိရင် နောက်နေ မှ ပြန်မေးနော်...... အိမ်သာတွေ  သွားဆေးရဦးမယ်..... တာဝန်နဲ့ သူကို မေးရတာလည်း အားတဲ့အချိန်လေး ပြောပြရှာပါတယ်။

ခုလက်ရှိကိုလည်း Second Mate သင်တန်းကို အွန်လိုင်းကတက်နေတဲ့ လူငယ်လေးတစ်ယောက်ပဲ ဖြစ်ပါတယ်။ အလုပ်တာဝန်ကိုလည်း ကြိုးစားလုပ်ပြီး တစ်ဖက်တစ်လမ်းက ပညာသင်နေတဲ့သူတစ်ယောက် လည်း ဖြစ်ပါတယ်။ သူ့တာဝန်မဟုတ်ပဲ သူများတာဝန် အစားထိုးလုပ်ပေးတာတောင် ခုလိုဖြစ်တော့ သူ့ကို အပြစ်ပေးပါတယ်တဲ့။ အပြစ်ကတော့ အိမ်သာဆေးဖို့ ၄ ရက် အမိန့်ချမှတ်ပါတယ်တဲ့။ သင်္ဘောသား လုပ်ရတာလည်း တကယ်မလွယ်ပါလားလို့ သဘောပေါက်မိပါတယ်။ ဘ၀ဆိုတာ ဘယ်နေရာရောက်ရောက် ရုန်းကန်နေရပါလားလို့ မနော တွေးနေမိပါတော့တယ်။

မနောဖြူလေး

ကံကောင်းသူများ ဖြစ်ကြဖို့

“ ဖေဖေ၊ လူတစ်ယောက်နဲ့ တစ်ယောက် ကံချင်းမတူနိုင်သလို ပါရမီချင်း မတူနိုင်ဘူးလို့ လူတော်တော်များက ပြောနေကြတယ်။ ကံဆိုတာဘာလဲ၊ ပါရမီဆိုတာကရော  ဘယ်နှစ်ပါးရှိလဲဟင် ?”

“ သမီး ကံဆိုတာ ပါဠိသက် ကမ္မက ဆင်းသက်လာတာ။ အင်း ပြောရရင်တော့ သမီးရယ် အလုပ်လို့ ခေါ်တယ်။ မြတ်စွာဘုရားက “အကြင်သူသည် ကံကို ပြုငြားအံ့၊ ထိုကံ၏ အကျိုးကို အကြင်သူသည် ခံစားရလတ္တံ့” လို့ ဆုံးမခဲ့ဖူးတယ်။ ဆိုလိုတာကတော့ ကိုယ်က ကောင်းမှုကို ပြုရင် ကောင်းတဲ့အကျိုးကို ခံစားရမယ်ပေါ့။ ဒါကြောင့်လည်း “ကိုယ်ပြုတဲ့ကံ ကိုယ့်ဆီပြန်”လို့ ဆိုကြတယ်မလား။ ဘယ်အလုပ်ကိုပဲလုပ်လုပ် သမီး မှတ်ထားဖို့က စေတနာနဲ့လုပ်၊ စိတ်ကောင်းနဲ့လုပ်၊ ကိုယ်ချင်းစာတရားနဲ့လုပ်၊ ၀ီရိယထည့်ပြီး ကြိုးစားပမ်းစားလုပ်။ ဒါဆိုရင် သမီး အမြဲကံကောင်းနေမှာ။ စေတနာကောင်းရင် ကံကောင်းတယ်ဆိုတဲ့ စကားလည်း ရှိတယ်လေ”

“ဟုတ်ပါတယ် ဖေဖေ။ သမီး ဒါကို ယုံကြည်ပါတယ်။ ဘယ်အလုပ်ပဲလုပ်လုပ် ကိုယ့်တာဝန်ကိုယ်ကျေအောင် လုပ်မယ်။ ပြီးတော့ အောင်မြင်ရမယ်ဆိုတဲ့စိတ်ကိုလည်း သမီးရင်ထဲမှာ စွဲစွဲမြဲမြဲထားပါတယ်။ နောက်ပြီး စိတ်ထားကောင်းရင် ကံကောင်းမှာပဲဆိုတာ သမီး လက်ခံထားမိတယ်။ ဘယ်သူတွေ ဘယ်လောက် ကောင်းကောင်း မကောင်းကောင်း သမီးဘက်က သည်းခံသင့်တဲ့အတိုင်းအတာထိ တတ်နိုင်သရွေ့ သမီး ကောင်းအောင် နေသွားမှာပါ။ ဘုန်းဘုန်းအရှင်ရာဟုလာက cbox ထဲမှာ လာရေးသွားတယ်ဖေဖေ အရမ်းကြီး သည်းခံနေရင်လည်း လူတုံးလူအ ဖြစ်သွားလိမ့်မယ်တဲ့။ သြော် ဒါနဲ့ ပါရမီဆိုတာကရော....”

“အင်း လောကမှာ သည်းခံခြင်းသည် အောင်မြင်ခြင်းဆိုတဲ့ ဆိုရိုးစကားရှိတယ်သမီး။ ဒါပေမယ့် လူတွေက သည်းခံမှုဆိုတာ နားမလည်ကြဘူးလေ။ သည်းခံတာကို ဒီလူက လူတုံး လူအပါလို့ ဝေဖန်ပြစ်တင်ကြတာလေ။ လူအမျိုးမျိုး စိတ်အထွေထွေပေါ့သမီးရယ်။ အဲ ပါရမီကတော့ (၁၀) ပါးရှိတယ်။ အဲဒီ (၁၀) ပါးကတော့

၁။ ဒါနပါရမီ      - စွန့်လွှတ်ခြင်း

၂။ သီလပါရမီ   - ကိုယ်ကျင့်ကောင်းခြင်း

၃။ နေက္ခမ္မပါရမီ - တပ်မက်မှုကင်းခြင်း

၎။ ပညာပါရမီ   - အမှန်အတိုင်းသိမြင်ခြင်း

၅။ ၀ီရိယပါရမီ   - ဇွဲလုံ့လရှိခြင်း

၆။ ခန္တီပါရမီ      - သည်းခံခြင်း

၇။ သစ္စာပါရမီ   - မှန်ကန်ခြင်း

၈။ အဓိဋ္ဌာန်ပါရမီ         - ခိုင်မာသော ဆုံးဖြတ်ချက်ထားရှိခြင်း

၉။ မေတ္တာပါရမီ - မေတ္တာစိတ်ထားရှိခြင်း

၁၀။ ဥပေက္ခာပါရမီ       - လျစ်လျူရှုထားခြင်း ဆိုတဲ့ ပါရမီ ၁၀ ပါးရှိတယ်လေ။

သမီးလည်း ပါရမီ ၁၀ ပါးကို အသိနဲ့သတိလေးကပ်ပြီး ဘယ်အရာကိုမဆို အသိတရားနဲ့လုပ်၊ ပညာနဲ့လုပ်၊ ဗြဟ္မစိုရ်တရားလေးပါးဖြစ်တဲ့ မေတ္တာ၊ ကရုဏာ၊ မုဒိတာ၊ ဥပက္ခောတရား လက်ကိုင်ထားပြီး လုပ်ပါ။ ဒါဆိုရင် သမီးဟာ အမြဲ ကံကောင်းနေမယ်လို့ ဖေဖေ ယုံကြည်စိတ်ချနေမယ် သမီး”

“ဟုတ်ကဲ့ပါဖေဖေ။ သမီး တတ်နိုင်သမျှ ကြိုးစားနေထိုင်သွားမှာပါ။ ဒီလိုသာ လူတိုင်းလူတိုင်း ကျင့်ကြံနေထိုင်သွားကြမယ်ဆိုရင် သမီးလိုပဲ သူတို့လည်း ကံကောင်းကြမှာပေါ့နော်”

မနောဖြူလေး