ရောင်းချသူနှင့် ၀ယ်သူတွေအကြား ဆက်ဆံရေး

          ဒီတစ်ပတ်တော့ မနေနိုင်လို့ ပြောချင်တာတွေ ပြောဖို့ တာစူလိုက်တာကတော့ ကျွန်မတို့ နေစဉ် ကြုံတွေ့နေတဲ့ ဈေးရောင်းသူနှင့် ဈေးဝယ်သူတွေရဲ့ ဆက်ဆံရေးကို တင်ပြချင်ပါသည်။ လူတိုင်း နေ့စဉ် ကြုံတွေ့နေရတာတွေကတော့ ဈေးဝယ်ခြင်းနှင့် ရောင်းချခြင်းကဏ္ဍရပ်ပါပဲ။ ဒီလုပ်ငန်းစဉ်ကတော့ လူတိုင်း မကြုံတဲ့သူတွေ ရှိမှာ မဟုတ်ပါဘူး။ ဒီတော့ မြင်တွေ့ကြုံရတာတွေကတော့  ၀ယ်သူတွေအပေါ် ဆက်ဆံတဲ့ ရောင်းချသူတွေရဲ့ စိတ်နေစိတ်ထားကို ကျွန်မ သုံးသပ်ကြည့်မိပါသည်။ နေ့တိုင်း တစ်နည်းမဟုတ် တစ်နည်း သင်လည်း တွေ့ဆုံနေရမှာကတော့ သင်ဟာ ၀ယ်သူနေရာကနေလား ဒါမှမဟုတ် ရောင်းချသူနေရာကနေလား ဆိုတာကို သုံးသပ်ကြည့်မယ်။ ၀ယ်သူနေရာက သုံးသပ်ပြီး ရောင်းချသူတွေ ဘာတွေလိုအပ်နေသလဲဆိုတာ ကျွန်မ နားလည်သလောက် ခံစားကြည့်မိသည်။ တဖြည်းဖြည်းနဲ့ ရောင်းချသူတွေရဲ့စိတ်ထားဟာ ၀ယ်သူတွေ အပေါ် ဆက်ဆံတာဟာ အတော် ဆိုးဆိုးဝါးဝါး ဖြစ်လို့ လာနေပါပြီ။ ဒါဟာ ဘာကြောင့်ပါလဲ။ ရောင်းသူဆိုတဲ့ နေရာမှာလည်း ကိုယ်ပိုင်ရောင်းချသူနှင့် အငှားရောင်းချသူတွေ အများအပြားရှိနေမှာပါ။ 

ဒီတော့ အငှားရောင်းချသူတွေကို ပိုင်ရှင် တစ်နည်းအားဖြင့် သူဌေးပေါ့လေ သူတို့က လိုအပ်ချက် တွေကို မပြောပဲ ဒီတိုင်းများ ထားကြသလား။ ကိုယ့်ရဲ့လုပ်ငန်းတိုးတက်မှု၊ ဈေးကွက် နယ်ပယ်ချဲ့ထွင်မှုတွေဟာ ဒီအရောင်းဝန်ထမ်းတွေရဲ့ လက်ထဲမှာပဲရှိကြတာ ဖြစ်ပါသည်။ တချို့ပိုင်ရှင် ကိုယ်တိုင် ရောင်းချသော ဆိုင်များ သည်လည်း ဆက်ဆံရေး အတော်ဆိုးဝါးလှပါသည်။ ကျွန်မ ကြုံတွေ့ခဲ့တာတွေကို အနည်းအကျဉ်း ဖော်ပြ ပါဦးမည်။ ကျွန်မတို့မြို့နယ် ကားမှတ်တိုင်နားမှာရှိတဲ့ နှစ်ထပ်ပျဉ်ထောင်အိမ်ကြီး တစ်လုံးတွင် အောက်ထပ်မှာ ဆိုင်ခန်းကြီးဆောက်လုပ်ပြီး အပျိုကြီးတွေ ညီအစ်မများ ရောင်းချသော အလှကုန်ပစ္စည်းဆိုင် ရှိပါတယ်။ အတော်စုံလင်တော့ ကျွန်မလည်း ဒီပြင်ဆိုင်တွေထက် ဒီဆိုင်မှာပဲ ၀ယ်ဖြစ်တာ များပါတယ်။ နောက် တစ်ချက်က ကားမှတ်တိုင်ဆိုတော့ ကားလည်းစီးရင် ကြုံရင် ကြုံသလို ၀ယ်မိတယ်။ တစ်ခါဝယ်ရင် ညီအစ်မတွေ တစ်ယောက်မရှိ တစ်ယောက်တော့ ရှိကြပါတယ်။ တစ်နေ့တော့ ကျွန်မ လိုချင်သော ပစ္စည်း လည်း ၀ယ်မယ်စိတ်ကူးရင်း ၀ယ်ပြီးသား ပစ္စည်းကိုလည်း ကျွန်မ ဈေးသိချင်လို့ မေးမြန်းမိပါတယ်။ အဲဒီနေ့က ညီမအငယ်ဆုံးထင်မိတာပဲ။  သူက ကျွန်မ မှန်ဘီဒိုထဲ လက်ညှိုးထိုးပြီး ဈေးမေးတဲ့ပစ္စည်းကို မဖြေပဲ မကြားချင် ယောင်ဆောင်နေတာကို ကြုံရတယ်။ ကျွန်မကလည်း မကြားလို့များလားဆိုပြီး အသံမြှင့်ပြီး ထပ်မံပြန်ပါတယ်။ ဒီတော့ ကျွန်မ လုံးဝကို မထင်မှတ်တဲ့ စကားတွေ ဒီဈေးရောင်းသူ အမျိုးသမီးဆီက ထွက်လာတော့ အရမ်း အံ့သြသွားမိတယ်။ ကျွန်မကို ဘာပြောတယ်မှတ်လို့လဲ။ တစ်ခါမှ ၀ယ်တာလည်း မဟုတ်ဘူး။ လာမေး မနေနဲ့လေ။ ပြောရင်လည်း ၀ယ်နိုင်တာ မဟုတ်ဘူးတဲ့။ ရောင်းသူက ၀ယ်သူကို ဆက်ဆံတဲ့ ယဉ်ကျေးမှု တစ်ခုကို စတင်ကြားခဲ့မိပါတယ်။ ကျွန်မလေ တော်တော်အံ့သြသွားမိတယ်။ ၀ယ်ချင်တာကို အဲဒီနေ့က ဒီအမျိုးသမီး ပြောပြီးထဲက နောက်ဆုံး ၀ယ်ယူခဲ့ရင်း နောင်ကို ဒီဆိုင်မှာ ဘာမှမ၀ယ်တော့ပါလို့ သန္နိဋ္ဌာန်ချခဲ့တာ ခုဆို ၁၀ နှစ်တောင် ကျော်ခဲ့ပြီပေါ့။ နေ့တိုင်း အဲဒီဆိုင်ရှေ့က ကားမှတ်တိုင်မှာ ကားစီးပေမယ့် ဆိုင်ကို အမြဲကျောပေးပဲ ရပ်မိပါတော့တယ်။ ဒါကြောင့် ဒီလိုလူမျိုးတွေရှိနေလို့လည်း တစ်ခါဆက်ဆံ ဆယ်ခါလန် ဆိုတဲ့စကား ထွက်ပေါ်လာတာလို့ ယူဆမိပါတယ်။ နောက်ပိုင်း ကျွန်မ ကားဂိတ်ရောက်တိုင်း သတိထားမိတာ ကတော့ အဲဒီဆိုင်မှာ ဈေးဝယ်မပြောနဲ့ ဖုန်းလာဆက်သူတောင် မတွေ့ရသလောက်ပါပဲ။ ဒီလိုမျိုး ဆက်ဆံရေး ဆိုင်များ ဘယ်နှခုလောက်ရှိနေသလဲဆိုတာ ဆက်ပြီး လေ့လာကြည့်ရအောင်။ ကျွန်မ ဟိုတစ်လောက ဖိနပ် လိုချင်တဲ့အတွက် ဖိနပ်ဆိုင်များကို ရောက်ရှိခဲ့ပါတယ်။ ဆိုင်အတော်များများကို ရောက်ခဲ့ရတယ်။ ဘာလို့လဲ ဆိုတော့ ကိုယ်လိုချင်သော ဖိနပ် မရရှိခဲ့တာကြောင့်ပဲဖြစ်ပါတယ်။ မြို့ထဲဝန်းကျင်ကပါပဲ။ ခုတစ်လော ၀င်ဖြစ်တဲ့ဆိုင်တွေကတော့ ဖိနပ်ဆိုင် အများအပြားပင် ဖြစ်ပါတယ်။ လိုချင်သော ဖိနပ်တွေ့တော့ ၀င်မေး ဖြစ်တယ်။ ဖိနပ် ဒီလိုပုံစံနဲ့ ဘယ်ဆိုဒ်တွေရှိသေးလဲ မေးကြည့်တော့ ရောင်းချသူကောင်မလေးက စိတ်မပါ့တပါ့ ဖြစ်ထလာပြီး ဘယ်ဆိုဒ်မှ မရှိကြောင်း ဒီတစ်မျိုးထဲလာတယ်လို့ ပြောပါတယ်။ ဒါနဲ့ အဲဒီဆိုင်ကနေ ထွက်လာပြီး နောက်တစ်ဆိုင် ၀င်ကြည့်မိပြန်တယ်။ နောက်တစ်ဆိုင်ကတော့ လျှော့ဈေးနဲ့ ရောင်းချနေတဲ့ ဆိုင်ဖြစ်ပြီး ဈေးနှုန်းနဲ့ ဖိနပ်များ တွဲရက်ကပ်ထားတော့ ကြည့်ရတာ အဆင်ပြေပါတယ်။ ဆိုင်ထဲဝင်ဝင်ခြင်း အရောင်း ၀န်ထမ်း ၃ ဦးကို ဆိုင်ပေါက်ဝမှ ထိုင်ခုံမှာထိုင်ပြီး စကားဝိုင်းဖွဲ့ပြောနေတာ တွေ့ရှိရတယ်။ ဈေးဝယ်သူ ဆိုင်ထဲ ၀င်လာတာ မြင်တော့လည်း မတ်တတ်ရပ်ပြီး မေးမြန်းရမှန်း လှည့်ကြည့်ဖော်တောင် မရှိပါဘဲ သူတို့ဘာသာ စကားပြောမပျက် ပြောနေလျက်ပါပဲ။ ကျွန်မလည်း တစ်ဆိုင်လုံး လျှောက်ကြည့်ဖို့ စိတ်ကူးပေမယ့် ၀င်ပြီး ချက်ချင်းပဲ ပြန်ထွက်လာခဲ့မိတယ်။ နောက်တစ်ဆိုင် ရောက်သွားပြန်တယ်။ ဒီဆိုင်ကတော့ ၀ယ်သူကြည့်ရာ နောက် တစ်ကောက်ကောက်တော့ လိုက်ပါရဲ့ ၀ယ်သူက စီးကြည့်မည်ပြုတော့ အစ်မနဲ့ မတော်ဘူး။ မစီးနဲ့လို့ ပြောပါတယ်။ ဟိုဟာလေး ကိုင်တော့လည်း မတော်ဘူး။ ဒီဟာလေး ကိုင်တော့လည်း မတော်ဘူးချည်းပဲ ပြောပြီး တော်တဲ့ဖိနပ်ကို ပြရမှန်းမသိဘူး။ ဒါနဲ့ ပြန်ထွက်လာခဲ့မိပြန်တယ်။ ဒီဆိုင်တွေဟာ တစ်ခမ်းတစ်နားနဲ့ ဆိုင်ခန်းကြီးတွေမှာ ရောင်းချနေသူများ ဖြစ်ကြတာကို တွေ့ရတယ်။ ကျွန်မလည်း စိတ်ဓာတ်ကကျလာပေမယ့် လိုချင်တာ မရ ရအောင် ၀ယ်တတ်တဲ့ အကျင့်အတိုင်းပဲ ကဲ မထူးဘူး။ ဒီလို ဆိုင်ကြီးတွေ မ၀င်တော့ဘူးဆိုပြီး လမ်းဘေးဆိုင်ကို ၀င်လိုက်တော့တယ်။ လမ်းဘေးဆိုင် ဆိုပေမယ့် သေသေချာချာ ခင်းကျင်းပြသထားပြီး ရောင်းချသူ ၀န်ထမ်းတွေကတော့ အတော့်ကို အသက်ငယ်ပုံပေါက်တဲ့ ကလေးမ သုံးလေးယောက်ကို တွေ့ရပါတယ်။ ၀ယ်သူတွေကလည်း ခုနလို ဆိုင်တွေမှာ တစ်ယောက်မှ မရှိတာကို တွေ့ရှိရပြီး ဒီဆိုင်မှာတော့ အတော့်ကို လူတိုးပြီး ၀င်ကြည့်ရတယ်။ ထုံးစံအတိုင်းပေါ့။ ကျွန်မရဲ့ ခြေထောက်ဆိုဒ်က ဟိုမရောက် ဒီမရောက် ဆိုတော့ ဘယ်ဖိနပ်စီးစီး မတော်ဘူးဖြစ်နေတယ်။ ဆိုင်က အရောင်းဝန်ထမ်းကောင်မလေးက တစ်ရန်ပြီး တစ်ရန် ထုတ်စီးစေတယ်။ မတော်တာများလာတော့ ခဏနေဦးနော် ဆိုပြီး သူတို့ ပစ္စည်း သိမ်းဆည်းရာ နေရာကို သွားပြီး ရှာဖွေနေတယ်။ နောက်တော့ ယူလာပြီး စီးစေပြန်တယ်။ ၀ယ်သူ အများကြီးကြားမှာ ကျွန်မကို သေသေချာချာ ရှာဖွေပေးနေတော့ အတော့်ကို အားနာလာတယ်။ မရရင်လည်း နေပါစေတော့ ပြောမိတော့ ဒီအရောင်းဝန်ထမ်းကောင်မလေးက ဖိနပ်များ သိမ်းဆည်းထားရာ ပစ္စည်းထားတဲ့ နေရာကို လိုက်ခဲ့ပါလို့ခေါ်ပြီး အထဲကနေ တစ်ရန်ထုတ်လိုက် စီးခိုင်းလိုက်နဲ့ အတော်ကြာကြာ ကုန်သလောက် ရှိမှ မဆိုသလောက်လေး တော်တဲ့ တစ်ရန် ထွက်လာပါတယ်။ ကျွန်မစိတ်ထဲမှာလည်း အတော်အားနာနေပြီး မတော်လည်း ၀ယ်သွားတော့မယ်လို့ စိတ်ဆုံးဖြတ်ချက် ချထားမိတယ်။ ဒါနဲ့ အဆင်ပြေတဲ့ နှစ်ရန်တွေ့ရှိတော့ အရောင်းဝန်ထမ်းလေးက ဒီဖိနပ်စီးမယ်ဆိုရင် အပေါ်ယံတော့ လှတယ်။ အစ်မက ခြေထောက်သေးတော့ နောက်ပိုင်းစီးရင်း ကျယ်သွားလိမ့်မယ်။ ဒီတစ်ရန်ကတော့ နောက်ပိုင်းစီးရင်လည်း ကျယ်မှာ မဟုတ်တဲ့အတွက် အစ်မ စီးရတာ အဆင်ပြေမယ်လို့ ရှင်းပြပါတယ်။ ကျွန်မလည်း မတော်လည်း ၀ယ်မယ်လို့ စိတ်ကူးထားတဲ့ အတွက် တော်နေတော့ အဆင်ပြေသွားတော့တယ်။ ဆိုင်က ကောင်မလေးကိုလည်း ကျေးဇူးတင်မိတယ်။ နောက် အဲဒီဆိုင်နားက ဖြတ်တိုင်း ကောင်မလေးက နှုတ်ဆက်တယ်။ ၀ယ်သူတွေကို မှတ်သားထားတာကို လည်း တွေ့ရှိရပြန်တယ်။

____________________________________________________________________

အရောင်းဝန်ထမ်းတွေမှာ ဘာတွေလိုအပ်နေသလဲ။ ဘာတွေ ကွာခြားနေသလဲဆိုတာကို ဆိုင်က ပြန်ထွက်လာပြီး ၀ယ်သူများကို ဘာကြောင့် ဆက်ထိန်းထားနိုင်ပြီး တစ်ချို့က လက်လွတ်ဆုံးရှုံးခံသနည်း သုံးသပ်မိတော့ ညံ့ဖျင်းသော လူမှုဆက်ဆံရေးက ၄၉ % နှင့် အာရုံစူးစိုက်မှု လွန်စွာအားနည်းခြင်းက ၂၀ ရာခိုင်နှုန်းဆိုတဲ့ ၇၀ % နီးပါးသည် ဆက်ဆံရေး၏ ရလဒ်ဖြစ်ပြီး ပြိုင်ဘက်ထက် ဈေးလျော့ရောင်းခြင်း ၁၅%နှင့် ပြိုင်ဘက်၏ ကုန်ပစ္စည်းထက် အရည်အသွေးသာခြင်း ၁၅ % ဆိုတဲ့ ၃၀%သည်သာ ယှဉ်ပြိုင်ခြင်း၏ ရလဒ်ဖြစ်တာကို တွေ့ရှိရပါတယ်။ ရောင်းချခြင်းဆိုသည်မှာ ကုန်ပစ္စည်းကို ၀ယ်သူများက ၎င်း၏အလိုကို ဆန့်ကျင်၍ ၀ယ်လိုက်ရသည်ဆိုသည့် ခံစားမှုမျိုး မဖြစ်ပေါ်စေဘဲ ထိုကုန်ပစ္စည်းကို ၀ယ်ယူရန် လိမ္မာပါးနပ်စွာ ညွှန်းဆိုခြင်းပင် ဖြစ်ပါတယ်။ တကယ်လို့ ရောင်းချခြင်းသည် ကျွန်မတို့ရဲ့ပင်မလုပ်ငန်းဖြစ်နေခဲ့ရင် ကျွန်မတို့ လုပ်ငန်းမှ ထုတ်လုပ်ဝန်ဆောင်ပေးတဲ့အရာ ဖြစ်ရင် ကျွန်မတို့အရောင်းသမားများအနေဖြင့် အဓိက လုပ်ဆောင် ရမယ့် တာဝန်ကတော့ ၀ယ်ယူသူများရဲ့ လိုအပ်ချက်များကို ဖြည့်ဆည်းပေးရန်သာ ဖြစ်ပါတယ်။ ၀ယ်သူ ဆုံးဖြတ်ချက်ချနိုင်အောင် ပြောပြကူညီရာတွင် မိမိကိုယ်တိုင်၌ ကုန်ပစ္စည်းနှင့်ပတ်သက်တဲ့ ဗဟုသုတများ အကြောင်းအရာများ လေ့လာသင့်တဲ့အပြင် ပစ္စည်းအပေါ်ယုံကြည်ချက်များ ရှိထားရပါမယ်။ ရောင်းချရာ၌ အောင်မြင်မှုကို ပေးမည့် နည်းလမ်း ၄ သွယ်ရှိပါတယ်။ ဒါတွေကတော့ စိတ်နေသဘောထား၊ စိတ်ပညာ၊ နည်းနာဗျူဟာနှင့် ဗဟုသုတို့ပဲ ဖြစ်ပါတယ်။ စိတ်နေသဘောထားဆိုသည်ကတော့ ၀ယ်သူကို ချဉ်းကပ်ပုံ ချဉ်းကပ်နည်း၊ စိတ်ဆုံးဖြတ်ချက်၊ စေ့စပ်ဆွေးနွေးမှု၊ သင်ယူလိုသောဆန္ဒ ဖြစ်ပြီး စိတ်ပညာပိုင်းကတော့ လူအများရဲ့ လုပ်ဆောင်ချက်ကို သဘောပေါက် နားလည်ထားရမှာ ဖြစ်ပါတယ်။ နည်းနာဗျူဟာက ရောင်းချခြင်း နည်းနာများ ဖြစ်တဲ့အပြင် ဗဟုသုတဆိုတဲ့အပိုင်းကတော့ ကုန်ပစ္စည်းအကြောင်း၊ ဈေးကွက် အကြောင်းနှင့် ပြိုင်ဆိုင်မှုများအကြောင်းကို လေ့လာသိရှိထားရမှာပဲ ဖြစ်ပါတယ်။ ဒါကြောင့် မည်သူက အဆိုးမြင်တတ်သူ၊ ငြီးတွားတတ်သူနှင့် ဆုံတွေ့လိုသနည်း။ မည်သူက အကောင်းမြင်တတ်ပြီး စိတ်အား ထက်သန်သူနှင့် ဆုံတွေ့လိုသနည်း ဆိုတဲ့အချက်ကို ထည့်စဉ်းစားဖို့ လိုအပ်လှပါတယ်။

          အရောင်းဝန်ထမ်းတစ်ဦးရဲ့ အရည်အချင်းကောင်းများကိုလည်း သိမှတ်သလောက် ပြောပြပါဦးမယ်။ ဒါတွေကတော့…

၁။ အကောင်းမြင်တတ်ခြင်း

၂။ စိတ်သဘောထားကောင်းမွန်ခြင်း

၃။ စိတ်အားထက်သန်ခြင်း

၎။ မိမိကိုယ် မိမိ ယုံကြည်စိတ်ချမှု အပြည့်အ၀ရှိခြင်း

၅။ စိတ်နှလုံးနိမ့်ချခြင်း

၆။ လိုက်လျောညီထွေနေတတ်ခြင်း

၇။ သဘောပေါက်သိမြင်လွယ်ခြင်း

၈။ မိမိကိုယ် မိမိ ထိန်းချုပ်နိုင်ခြင်း

၉။ ဆုံးဖြတ်ချက် ချနိုင်ခြင်း

၁၀။ အပေါင်းအသင်း ၀င်ဆန့်ခြင်း

၁၁။ ပြဿနာကို အဖြေရှာလိုခြင်း

၁၂။ ရဲရင့်ပြတ်သားခြင်း

၁၃။ အဆိုးမြင်တတ်သူများနှင့် စိတ်သဘောထားဆိုးသူများနှင့်လည်း ရင်ဆိုင်ဖြေရှင်းတတ်ခြင်း

၁၄။ စိတ်သဘောထားကောင်းမွန်ပြီး စိတ်အားထက်သန်သူများနှင့်ပါ တွေ့ဆုံလိုခြင်းတို့ပဲ ဖြစ်ပါတယ်။

          ရောင်းချသော အခါသမယ၌ အကောင်းဆုံးကို မျှော်လင့်တတ်ရန် အလွန်မှ အရေးကြီးပါတယ်။ ရောင်းချခြင်း အခွင့်အလမ်းကို အကောင်းမြင်ပြီး စားသုံးသူများကို တန်ဖိုးထားလေးစားခြင်းနှင့် သင် ချမှတ် ထားသော အရောင်းပန်တိုင်များသို့ရောက်ရှိရန် လျှောက်လှမ်းရေးတို့သည် သင့်အပြုအမူနှင့် ၀ယ်ယူသူများရဲ့ တုံ့ပြန်မှုတို့အပေါ် ထင်ဟပ်စေပါတယ်။ နေ့စဉ်နှင့်အမျှ သင်သည် အရှုံးသမားကဲ့သို့ စဉ်းစာကာ ပြုမူမည်လား။ အောင်နိုင်သူကဲ့သို့ စဉ်းစားကာ ပြုမူပါမည်လားဆိုသည်ကို ဆုံးဖြတ်ပါ။ ကောင်းမွန်သော စိတ်နေသဘောထား ထားရှိနိုင်ရန်မှာ ကျွန်မတို့သည် ကျွန်မတို့ကို ဆွဲချတတ်သော အရှုံးသမားအတွေးများကို ဖယ်ရှင်းပြီး အောင်နိုင် သူများရဲ့ စိတ်သဘောထားများကို ထားတတ်ရပါမယ်။ သင့် ကုန်ပစ္စည်းသည် ကမ္ဘာပေါ်တွင် အရည်အသွေး အကောင်းဆုံး ပစ္စည်းနေရာ မည်မျှပင်ရှိနေစေကာမူ သင်က သင့် ၀ယ်သူတွေအပေါ် အသိအမှတ်ပြုပေးခြင်း၊ လေးစားမှုပြုပေးခြင်း အလျဉ်းမရှိလျှင် ထိုသူများက သင့်ကို ယုံကြည်မည် မဟုတ်သဖြင့် သင့်ထံမှ ထိုကုန်ပစ္စည်းကို စိုးစဉ်းမျှ ၀ယ်ယူမည်မဟုတ်ဘူးဆိုတာ ကျွန်မ ကိုယ်တွေ့ကြုံရခြင်းနဲ့ သာဓကပြလိုက်ပါတယ်။

          အရောင်းကျွမ်းကျင်သူဆိုသည်မှာ စေ့စပ်ဆွေးနွေးတတ်သူ၊ အတွေ့အကြုံ ရင့်သန်သူ၊ မေးခွန်းများကို လည်း ဖြေဆိုတတ်သူ ဖြစ်သောကြောင့် ၀ယ်ယူသူထံမှ စိတ်ဝင်စားမှုရရှိကာ ၀ယ်ယူသူအားလည်း မှန်ကန် သော ကုန်ပစ္စည်းများ ရွေးချယ်ရန် ကူညီပေးသည့်အပြင် ၀ယ်ယူသည့် ကောင်တာသို့ပါ ပို့ဆောင်ပေးနိုင်သူ ဖြစ်ပါကြောင်း ပြောကြားရင်းဖြင့် သင်လည်း မှန်ကန် ကျွမ်းကျင်ပြီး အရောင်းဝန်ထမ်းတစ်ဦးရဲ့ အရည်အချင်း ကောင်းများ ရရှိပိုင်ဆိုင်နိုင်စေဖို့ ရည်ရွယ်လိုက်ရခြင်းပင် ဖြစ်ပါတော့တယ်။

မနောဖြူလေး

၉.၉.၂၀၁၂